رواں سال کے آخر میں شمالی کوریا کے رہنما سے ملاقات متوقع ہے ،امریکی صدر

جمعرات 20 اگست 2026 11:02

واشنگٹن (اُردو پوائنٹ اخبارتازہ ترین - اے پی پی۔ 20 اگست2026ء) امریکی صدر ڈونلڈ ٹرمپ نے کہا ہے کہ وہ توقع رکھتے ہیں کہ رواں سال کے آخر میں شمالی کوریا کے اعلیٰ رہنما کم جونگ اُن سے دوبارہ ملاقات کریں گے۔ شنہوا کے مطابق یہ بات انہوں نے گزشتہ روز وائٹ ہاؤس میں صحافیوں کے ایک سوال کے جواب کہی۔

(جاری ہے)

صحافیوں نے امریکی صدر سے پوچھا کہ کیا انہیں رواں سال کم جونگ اُن سے ملاقات کی توقع ہے تو ٹرمپ نے جواب دیا،ہاں، میں ملاقات کروں گا۔

تاہم، وائٹ ہاؤس نے دونوں رہنماؤں کے درمیان ملاقات کے کسی منصوبے کی تصدیق نہیں کی ہے۔امریکی اخبار وال سٹریٹ جرنل نے منگل کو اپنی رپورٹ میں بتایا تھا کہ امریکی صدر نے نجی طور پر اپنے آئندہ دورہ ایشیا کے دوران شمالی کوریا کے رہنما کم جونگ اُن سے بالمشافہ ملاقات کا انتظام کرنے پر بات چیت کی ہے۔ یہ دورہ ممکنہ طور پر نومبر میں ہو سکتا ہے۔