عرب لیگ کے سیکرٹری جنرل کی شام میں ایئربیس پر اسرائیلی حملوں کی مذمت

جمعرات 20 اگست 2026 11:02

قاہرہ (اُردو پوائنٹ اخبارتازہ ترین - اے پی پی۔ 20 اگست2026ء) عرب لیگ کے سیکرٹری جنرل نبیل فہمی نے شام کے صوبہ ادلب میں واقع ابو الظہور فوجی ایئربیس پر اسرائیلی فضائی حملوں کی مذمت کرتے ہوئے کہا ہے کہ یہ حملے شام کی خود مختاری اور بین الاقوامی قانون کی کھلی خلاف ورزی ہیں۔

(جاری ہے)

اماراتی نیوز ایجنسی وام کے مطابق عرب لیگ کی جانب سے جاری بیان میں سیکرٹری جنرل نبیل فہمی نے اسرائیلی حملوں کو اشتعال انگیز، بلاجواز اور ناقابلِ قبول قرار دیا۔

انہوں نے کہا کہ اسرائیل خطے میں افراتفری پھیلانے اور تنازعات و محاذ آرائی کے دائرے کو وسیع کرنے کی کوشش کر رہا ہے۔ عرب لیگ کے سیکرٹری جنرل نے بااثر عالمی فریقوں اور اقوام متحدہ کی سلامتی کونسل سے مطالبہ کیا کہ وہ اپنی ذمہ داریاں ادا کریں اور اسرائیل کو ان حملوں سے روکنے کے لیے موثر اقدامات کریں تاکہ خطہ مزید افراتفری اور تشدد کی جانب جانے سے محفوظ رہے۔