آج کے بل میں کوئی ایسی بات نہیں تھی جس سے خدانخواستہ کسی چیز کو خطرہ ہو، خواجہ آصف

جمعرات 20 اگست 2026 20:20

اسلام آباد (اُردو پوائنٹ اخبارتازہ ترین - این این آئی۔ 20 اگست2026ء) وزیر دفاع خواجہ آصف نے کہا ہے کہ آج کے بل میں کوئی ایسی بات نہیں تھی جس سے خدانخواستہ کسی چیز کو خطرہ ہو۔پارلیمنٹ ہائوس کے باہر میڈیا سے گفتگو کرتے ہوئے خواجہ آصف نے کہا کہ جو آخری آئینی ترمیم ہوئی تھی آج اس کے مطابق قانون کو ڈھالا گیا ہے۔

(جاری ہے)

وزیر دفاع نے کہا کہ پورا بل آج پڑھ کر سنایا گیا ہے، اس میں عجلت والی کوئی چیز نہیں تھی۔ اس میں ایسی کوئی چیز نہیں تھی جس پر بحث ہوتی۔انہوں نے کہا کہ اپوزیشن کا کام ہے احتجاج کرنا وہ جس چیز پر چاہے احتجاج کریں، ان کی مرضی ہے۔انہوں نے کہا کہ مولانا فضل الرحمن میرے لئے بڑے قابل احترام ہیں، بل کا مسودہ تمام لوگوں کے پاس موجود تھا۔