وزیراعلیٰ پنجاب کا راولپنڈی کے تینوں الائیڈ ہسپتالوں فائر سیفٹی سسٹم نہ یا غیر فعال ہونے کا نوٹس

راولپنڈی (اُردو پوائنٹ اخبارتازہ ترین - آن لائن۔ 27 اگست2026ء) وزیر اعلیٰ پنجاب نے راولپنڈی کے تینوں الائیڈ ہسپتالوں فائر سیفٹی سسٹم نہ یا غیر فعال ہونے کا نوٹس لیتے ہوئے راولپنڈی سمیت پنجاب کے تمام سرکاری ہسپتالوں میں فائر سیفٹی سسٹم کی فوری تنصیب اور اسے فعال رکھنے کا حکم دیا ہے جس پر ڈپٹی کمشنر ندیم ناصر نے تمام سرکاری ہسپتالوں سے رپورٹ طلب کرلی پاکستان انسٹی ٹیوٹ آف میڈیکل سائنسز (پمز) کے چلڈرن وارڈ کی نرسری میں خوفناک آتشزدگی سے 15 بچوں کی المناک موت کے بعد راولپنڈی کے تینوں الائیڈ ہسپتالوں میں بھی فائر سیفٹی سسٹم کمزور اور غیر فعال ہونے کا انکشاف ہوا ہے جس سے راولپنڈی کے الائیڈ ہسپتالوں میں بھی خطرے کی گھنٹی بج گئی ذرائع نے بینظیر بھٹو، ہولی فیملی اور ڈی ایچ کیو ہسپتال کو آتشزدگی کے کسی بھی ممکنہ واقعے میں غیر محفوظ قرار دیا ہے ذرائع کے مطابق راولپنڈی کے تینوں بڑے سرکاری ہسپتالوں میں فائر سیفٹی نظام کی یا تو مکمل تنصیب نہیں یا آلات اور سسٹم غیر فعال ہیں جبکہ یورالوجی ہسپتال کا فائر سیفٹی سسٹم بھی غیر فعال ہے اور راولپنڈی کے دیگر سرکاری ہسپتال بھی فائر رسک سے دوچار ہیں ہسپتالوں میں کسی ہنگامی صورت حال کے دوران لوگوں کے ایمرجنسی اخراج نہ ہونے کے برابر ہے اگر کسی ہسپتال میں ہنگامی اخراج کے راستے موجود بھی ہیں تو وہ مسلسل بند رہنے سے ناکارہ ہو چکے ہیں جبکہ نہ صرف ہسپتالوں فائر ایکسٹنگویشرز کی تعداد بہت کم ہے بلکہ سرکاری ہسپتالوں میں فائر ڈیٹیکشن کا کوئی نظام موجود ہی نہیں اسی طرح ہسپتالوں میں فائر ہائیڈرنٹس کی تنصیب بھی نہیں ہے جبکہ ہسپتالوں کے ذرائع نے بھی تینوں سرکاری ہسپتالوں میں فائر سیفٹی سسٹم کی مکمل تنصیب نہ ہونے کی تصدیق کردی ادھر وزیر اعلیٰ پنجاب مریم نواز نے سرکاری ہسپتالوں میں فائر سیفٹی سسٹم کی تنصیب یقینی بنانے کی ہدایات جاری کردی ہیں جس پر ڈپٹی کمشنر ندیم ناصر نے تمام سرکاری ہسپتالوں سے رپورٹ طلب کرلی ڈپٹی کمشنر کے مطابق سرکاری ہسپتالوں میں فائر سیفٹی سسٹم کی تنصیب کو یقینی بنایا جائے گا ہسپتالوں میں ہائیڈرنٹس کی تنصیب کیلئے کام شروع کردیا گیا ہے اس حوالے سے اے ڈی سی عبدالرحمان نے ریسکیو ٹیموں کے ہمراہ گزشتہ روز مختلف ہسپتالوں کا دورہ کیا ضلعی انتظامیہ کے ذرائع کے مطابق فائر الارم، ہائیڈرنٹس اور ایمرجنسی ایگزٹس کو یقینی بنایا جارہا ہے ڈپٹی کمشنر کا کہنا ہے کہ مریضوں کی حفاظت اولین ترجیح ہے جس میں کوئی غفلت برداشت نہیں کرینگے ذرائع کے مطابق سرکاری و نجی ہسپتالوں میں فائر الارم سیفٹی الارم سسٹم 80 سے 90 فیصد تک فعال ہیں تاہم ہسپتالوں میں فائر الارم اینڈ سیفٹی سسٹم فعال کئے جانے سے متعلق پنجاب بھر میں ہدایت جاری کی جا چکی ہیں اور فائر الارم سسٹم اینڈ سیفٹی سسٹم سے متعلق متضاد خبریں چلا کر شہریوں میں خوف وہراس سے اجتناب کیا جائے جبکہ شہری اس نوعیت کی متضاد اطلاعات اور خبروں سے ہوشیار رہیں جہاں کوئی کمی پیشی ہے وہاں پہ چیکنگ اور تکنیکی خرابیاں دور کرنے کے لئے پنجاب حکومت کی ہدایت پر عمل درآمد جاری ہے۔