ملک میں بہت تجربے ہوئے، پاکستانی سندھ کی تقسیم نہیں چاہتے ہیں. ترجمان سندھ حکومت

اسمبلیاں موجود ہیں ٹی وی کے ٹاک شوز، کانفرنسز میں بحث نہیں ہو سکتی. سعدیہ جاوید کی گفتگو

میاں محمد ندیم بدھ 2 ستمبر 2026 22:20

ملک میں بہت تجربے ہوئے، پاکستانی سندھ کی تقسیم نہیں چاہتے ہیں. ترجمان ..

کراچی(اردوپوائنٹ اخبارتازہ ترین-انٹرنیشنل پریس ایجنسی۔02 ستمبر ۔2026 ) سندھ حکومت کی ترجمان اور صوبائی اسمبلی کی رکن سعدیہ جاوید نے کہا ہے کہ اس ملک میں بہت تجربے ہوئے، پاکستانی سندھ کی تقسیم نہیں چاہتے ہیں سندھ اسمبلی اجلاس سے خطاب میں سعدیہ جاوید نے کہا کہ 1947میں سندھ والوں نے اپنے دروازے کھول دیے تھے، میں سندھ کے عوام کی شکر گزارا ہوں، سندھ کو بمبئی ریزیڈینسی سے الگ کرنے کے لیے جدوجہد کی. انہوں نے کہا کہ 1955 میں ون یونٹ کی بنیاد رکھی گئی، 70 میں صوبے بحال کردیے گئے، اسمبلیاں موجود ہیں ٹی وی کے ٹاک شوز، کانفرنسز میں بحث نہیں ہو سکتی سعدیہ جاوید نے کہا کہ اس ملک میں بہت تجربے ہوئے ، پاکستانی سندھ کی تقسیم نہیں چاہتے ہیں.

(جاری ہے)

ان کا کہنا تھا کہ وزیراعلیٰ سے درخواست ہے سندھ کی تقسیم سے متعلق یہ آخری قرارداد ہونی چاہیے، صوبے یا ایڈمنسٹریٹو یونٹس کے نام پر تقسیم نہیں ہوگی دوسری طرف سندھ اسمبلی میں صحافیوں سے گفتگو میں سعدیہ جاوید نے کہا کہ کراچی کو چند لوگوں نے یرغمال بنایا ہوا ہے جس کی وجہ سے شہر میں ٹریفک کا مسئلہ بنا ہوا ہے انہوں نے کہا کہ دھرنے کے نام پر لوگوں کو پریشان کیا جارہا ہے، انہیں دھرنا دینا ہے تو اسلام آباد میں جاکر دیں.