جماعت اسلامی کا لانگ مارچ رکوانے کیلئے حکومت کی پیٹرولیم لیوی ایک سال کیلئے ختم کرنے کی تجویز آگئی

توقع ہے کہ وزیراعظم اس حوالے سے جلد رابطہ کریں گے، جماعت کا لیوی ختم ہونے تک مارچ جاری رکھنے کا فیصلہ

ثنااللہ ناگرہ پیر 21 ستمبر 2026 23:15

جماعت اسلامی کا لانگ مارچ رکوانے کیلئے حکومت کی پیٹرولیم لیوی ایک سال ..

لاہور (اردوپوائنٹ اخبار تازہ ترین۔ انٹرنیشنل پریس ایجنسی ۔ 21 ستمبر 2026ء ) حکومت کی جانب سے جماعت اسلامی کو لانگ مارچ روکنے پر ایک سال کے لیے پیٹرولیم لیوی ختم کرنے کی تجویز سامنے آگئی۔ اےآروائی نیوز کے مطابق ذرائع کا کہنا ہے کہ جماعت اسلامی کا سپرلانگ مارچ ملتان کی طرف آگے بڑھ رہا ہے، اسی دوران حکومت نے جماعت اسلامی کی قیادت سے رابطہ کیا ہے اور سپر لانگ مارچ روکنے پر اصرار کیا ہے۔

(جاری ہے)

بتایا گیا ہے کہ جماعت اسلامی نے اس مطالبے پر اپنا مئوقف پیش کیا ہے کہ سپرلانگ مارچ لیوی کے خاتمے تک جاری رہے گا۔

توقع ہے پیٹرولیم لیوی کے حوالے سے وزیراعظم شہبازشریف بھی جماعت اسلامی قیادت سے رابطہ کریں گے۔ یہ بھی توقع کی جا رہی ہے کہ جماعت اسلامی کا مارچ کا اسلام آباد پہنچنے سے پہلے ہی بریک تھرو ہوجائے۔ حکومتی وفد کی جانب سے وزیراعظم شہبازشریف کے وطن واپسی پرآن بورڈ ہونے کی یقین دہانی کروائی گئی ہے اور وزیراعظم کی وطن واپسی پر جماعت اسلامی کی قیادت سے ملاقات بھی متوقع ہے۔