چین کے دو معذ ور جگری یاروں کی ہمت و جرات کی لازوال داستان

اپنی معذوری کو مجبوری نہیں بنایا بلکہ دیگر معذوروں کیلئے بھی رزق کے دروازے کھول دیئے حکومت سے قرض لیکرایک فیکٹری قائم کی جس میں معذوروں کو ملازمت میں ترجیح دی جاتی ہے وہ اپنے کاروبار کو وسعت دینے اور مزید کارکنوں کو بھرتی کرنے کیلئے ملک بھر کا دورہ کررہے ہیں

بدھ 29 مارچ 2017 16:52

گوئی یانگ (اُردو پوائنٹ اخبار آن لائن۔ جمعرات 30 مارچ 2017ء) ایک نابینا شخص اور اس کے جگری یار جو اپنے بائیں ہاتھ کی چار انگلیوں سے محروم تھا نے ایک دوسرے کے آنکھ اور ہاتھ بن کر اپنی معذوری پر قابو پالیا ہے، بے سہارا جوڑے نے جنوب مشرقی چین کے صوبہ گوئی یوکے خود مختار علاقے گائو یو پنگ ڈانگ میں صفائی اور ڈس انفیکشن کی فیکٹری قائم کی اور روزگار کی پیشکش کر کے بیروزگار افراد کے لئے امید کی کرن پیدا کر دی ، ما زی گائو اور شی کن جی نے 2012ء میں اس وقت شراکت داری قائم کی جب وہ معذوروں کی ایک کانفرنس میں ایک دوسرے سے ملے ،52سالہ ما کے دائیں ہاتھ کی چار انگلیاں19سال کی عمر میں اس وقت کٹ گئی تھیں جب ایک مشین پر کام کررہا تھا جبکہ 39سالہ شی کی آنکھوں پر گیارہ سال کی عمر میں شیشے کے ٹکڑے لگے جن کے باعث وہ بینائی سے محروم ہو گیا ۔

(جاری ہے)

ما کا کہنا ہے کہ اس نے زندگی گزارنے کے لئے سبزیاں بیچنا اور توفو بنا کر مارکیٹ میں بیچنا شروع کر دیا ، یہ بہت سخت کام تھا تاہم میری انگلیاں ضائع ہو چکی تھیں ، اس لئے مجھے یہ کام کرنا پڑا ، مجھے ٹیلی ویژن پر صفائی اور ڈس انفیکشن کے اشتہارات سے مجھے ایک جذبہ ملا ۔ مانے شی سے کہا کہ جو نابینا مساج تھراپسٹ تھی کہ ہم شراکت دار بن جائیں اور ایسا ہی ایک پلانٹ قائم کریں تاہم ان کا پلانٹ دوسروں سے مختلف ہو گا کیونکہ اس میں معذور افراد کو ملازمت دی جائے گی ، چینی ہوٹلوں اور ریستورانوں میں صفائی اور حفظان صحت کا بہت خیال رکھتے ہیں۔

انہوں نے حکومت سی4ملین یوآن (580000امریکی ڈالر) کا قرضہ حاصل کیا جبکہ مزید 30لاکھ یوآن خود اکٹھے کئے ،2015ء میں ایک بنجر پہاڑ پر انہیں دو منزلہ پلانٹ کی تعمیر شروع کی ، یہ پلانٹ گندگی کی صفائی کے پلانٹ کے قریب اور رہائشی علاقے سے دور تعمیر کیا گیا ،اب یہ کمپنی 300سے زیادہ ریستورانوں اور 40ہوٹلوں اور ہسپتالوں کو صفائی ستھرائی اور ڈس انفیکشن کی خدمات فراہم کرتی ہے، فروری سے فیکٹری نے اپنے کام کا آغاز کیا اور اب تک اس نے 30لاکھ یوآن کمائے ہیں ، فیکٹری میں اس وقت 42ملازمین کام کررہے ہیں جن میں سے 17معذور ہیں ، برتن صاف کرنے اور بستر ترتیب دینے کے لئے کسی زیادہ ہنرمندی کی ضرورت نہیں ہوتی ، سادہ سی تربیت کے ساتھ لوگ اس کام کے قابل ہو جاتے ہیں ، فیکٹری کی ورکشاپ میں ایک بینر پر یہ نعرہ درج ہے کہ’’ آپ کا اعتماد ہمارے کام کو زیادہ بہتر بنا سکتا ہے ‘‘۔

وویانگ ینگ کمپنی میں برتن صاف کرتا ہے ، معذور افراد کیلئے ملازمت تلاش کرنا مشکل ہوتا ہے اور بہت سے معذور افراد گھروں پر ہی پڑے رہتے ہیں جو کہ ایک بری عادت ہے، وو ایک ہاسٹل میں رہتا ہے اور فیکٹری کی کنٹین سے مفت کھانا کھاتا ہے اور 2000 یوآن ماہوار کماتا ہے ۔فیکٹری کا ایک اور 48سالہ کارکن یان زن وین دن میں فیکٹری میں کام کرتا ہے اور رات کو مساج کی تربیت حاصل کرتا ہے ، اس کا کہنا ہے کہ میں اتنے زیادہ کام سے تھکاوٹ محسوس نہیں کرتا ، مجھے محنت سے کام کر نے کا موقعہ ملا ہے ، چین میں 85ملین افراد معذور ہیں جن میں سے 70فیصد دیہی علاقوں میں رہتے ہیں ، معذور افراد میں غربت کوئی نیا مسئلہ نہیں ہے ، چین نے اس مسئلے کو حل کرنے کے لئے کئی وسائل استعمال کئے ہیں ۔

مقامی حکومتوں کے مطابق جن کمپنیوں نے 25فیصد سے زیادہ معذور افراد ملازم ہوں گے انہیں ٹیکس سے مستثنیٰ قراردیدیا جاتا ہے جبکہ مقامی معذوروں کی فیڈریشن ما اور شی کی فیکٹری کیلئے ایک لاکھ یوآن کی امداد دیتی ہے ، مالی امداد اس کے علاوہ ہے ، فیڈریشن معذوروں کو کمپیوٹر سکھانے کے لئے تربیت کا انتظام کرتی ہے اب ما ل اور شی اپنے کاروبار کووسیع کرنے کے لئے مز ید کارکنوں کو بھرتی کرنے کے لئے دورے کررہے ہیں اور مستقبل میں وہ مزید معذور افراد کو اپنی فیکٹری میں کام کرنے کی دعوت دیں گے ۔شی کا کہنا ہے کہ ہم یہ نہیں بھول سکتے کہ ہم کہاں تھے اور آج ہم کیا ہیں ۔