انڈونیشیا میں مردوں کا انوکھا تہوار منایا گیا

اتوار 15 اکتوبر 2017 15:51

جکارتہ (اُردو پوائنٹ اخبار آن لائن۔ پیر 16 اکتوبر 2017ء)انڈونیشیا میں مردوں کا تہوار منایا گیا ۔غیر ملکی میڈیا کے مطابق انڈونیشیا کے جزیرے سیلویسی کے علاقے توراجا کے رہنے والے قیبلے نے مردوں کا تہوار منایا ۔توراجا کی روایت کے مطابق، لوگ اپنے پورے پورے خاندانوں کے ساتھ اپنے پیاروں کی قبروں پر جاتے ہیں، ان کی باقیات نکال کر صفائی کرتے اور پھر انہیں مردے کی چیزوں سے سجاتے ہیں۔

مقامی لوگوں کا عقیدہ ہے کہ مرنے والے جسمانی طور پر تو یہاں نہیں، لیکن روحانی طور پر موجود ہوتے ہیں۔ مقامی رہائشی تمانان کا کہنا ہے کہ یہ ہر کچھ سالوں بعد خاندانوں کے یکجا ہونے کا موقع ہوتا ہے۔تانا توراجا کے رہنے والوں کی اکثریت عیسائی مذہب سے تعلق رکھتی ہے۔

(جاری ہے)

لیکن، وہ بھی قدیم روایت پر عمل کرتے ہوئے مردوں کی باقیات کی صفائی کرتے اور کفن کو ان کی چیزوں سے سجاتے ہیں۔

یہاں مرنے والے کی پہلے ممی بنائی جاتی ہے پھر اسے مختلف زیورات، رنگ برنگے کفن سے سجایا جاتا ہے اس کے بعد اسے مہینوں اور کچھ لوگ تو برسوں گھر میں ہی رکھتے ہیں جس کے بعد آخری رسومات ادا کی جاتی ہیں۔مرنے والے کے رشتے دار اس سے باتیں کرتے ہیں۔ کھانے پینے کی چیزیں پیش کرتے اور گھریلو مسائل پر بات چیت کچھ اس طرح کرتے ہیں جیسے وہ زندہ ہوں۔

جب زیادہ تر رشتے دار اور قربانی کے لئے بھینس یا سور خریدنے کے پیسے جمع ہوجائیں تو آخری رسومات جسے رامبوسولو کہا جاتا ہے، ادا کی جاتی ہیں۔آخری رسومات میں پورے گاوں اور مختلف برداریوں کو شرکت کی دعوت جاتی ہے۔جنازے کو تدفین کے لئے لے جانے کے دوران رشتے دار مرنے والے کی یاد میں آنسو بھی بہاتے ہیں۔تابوت کو شوخ سرخ اور پیلے رنگوں میں رنگا جاتا ہے اور اس میں مرنے والے کے کپڑے اور ذاتی اشیا رکھی جاتی ہیں اور پھر اسے پہاڑوں کے درمیان چٹانوں کے درمیان رکھ دیا جاتا ہے۔

خصوصی طور پر پہاڑوں میں تراشے گئے ان مقبروں کی اونچائی تین منزلہ عمارت کے برابر ہوتی ہے اور اس کی تیاری میں تین سے چھ ماہ لگتے ہیں۔برطانوی خبر رساں ادارے، رائٹرزکے مطابق، ایک مقامی رہائشی 21 سالہ مائننگ انجنیئرنگ کے طالب علم رینالٹ پترین نے کہا کہ کئی نسلوں سے چلی آرہی روایت اور رسم کو آنے والی نسل کو منتقل کرنا بہت بڑی ذمہ داری ہے۔انہوں نے مزید بتایا کہ، میں نوکری کرنے اور پیسے کمانے کے بعد بھی اپنی روایت ترک نہیں کروں گا۔

Facebook Twitter Google + Share on Whatsapp

انڈونیشیا میں مردوں کا انوکھا تہوار منایا گیا

پیر 16 اکتوبر 2017 کی مزید خبریں