کینیڈامیں متعدد نئے شعبوں میں اسکل ورکر پروگرامز شامل ،نوکریوں کا اعلان

سال 2018 کے لیے 2600 افراد کوصوبہ سسکچوان میں ملازمت کے مواقع فراہم کیے جائیں گے،ترجمان امیگریشن

ہفتہ 20 جنوری 2018 12:10

اوٹاوا (اُردو پوائنٹ اخبار آن لائن۔ ہفتہ 20 جنوری 2018ء) کینیڈا کے صوبے سسکیچوان نے ملازمتوں کے نئے مواقع فراہم کر نے کا اعلان کرتے ہوئے متعدد نئے شعبوں میں اسکل ورکر پروگرامز شامل کردیئے ۔غیرملکی خبررساں ادارے کے مطابق سسکیچوان امیگرینٹ پروگرام کے تحت اعلان کیا گیا کہ اسکل امگریشن کے لیے شعبہ جات کی تعداد 35 کر دی گئی ہے۔

سی ایم ای سی کی جاری کردہ فہرست میں جو شعبہ جات شامل کیے گئے ہیں ان میں لینڈ اسکیپ اسیشلسٹ، الیکٹرونک سروس ٹیکنیشن، انڈسٹریل میکینکس، میٹا کیوٹرز، مشینسٹ، کیبنٹ میکرز، انڈسٹریل مکینکس، ہیوی ڈیوٹی ایکیوپمنٹ مکینکس، آٹو موٹرزسروس ٹیکنیشن، ٹرک اینڈ بس میکینکس، موٹر وہیکل ریپئرنگ کرنے والے ، ویلڈر، مینیجر ان نیوٹرل ، مینیجر ان اگریکلچر،سول انجینئرنگ، مکینیکل انجینئرز، الیکٹرکل انجینئرز، انڈسٹریل انجینئرز، کمپیوٹر انجینئرز، آرکیٹکٹ، لینڈ سرویور، سافٹ ویئر انجینئرز ، ویب ڈیزائنر، سائیکولوجسٹ، سوشل ورکرز، ارلی چائلڈ ایجوکیشن اسسٹنٹ، میڈیکل لیبارٹری، ٹیکنولوجسٹ، میڈیکل سونوگرافر، مینیجر ان سوشل کمیونٹی، جیو لاجیکل اینڈ منرل ٹیکنیشن، بائیولوجسٹ، زراعت سے متعلقہ افراد، کیلئے مواقع موجود ہیں۔

(جاری ہے)

امیگریشن ترجمان کے مطابق سال 2018 کے لیے 2600 افراد کو سسکچوان میں ملازمت کے مواقع فراہم کیے جائیں گے جن کے دوخواست فارم وقفے وقفے سے جاری کیے جائیں گے۔