خوشحال خان خٹک یونیورسٹی کرک اور زرعی یونیورسٹی ڈیرہ اسماعیل خان کی سینٹ کے الگ الگ اجلاس

مذکورہ یونیورسٹیوں کے مالی سال 2021-22 کے بجٹ منظوری کے لئے پیش کئے گئے

پشاور(اُردو پوائنٹ اخبارتازہ ترین - این این آئی۔ 17 جون2021ء)گورنر خیبرپختونخواہ شاہ فرمان کی ہدایت پر جمعرات کے روز خوشحال خان خٹک یونیورسٹی کرک اور زرعی یونیورسٹی ڈیرہ اسماعیل خان کی سینٹ کے الگ الگ اجلاس گورنر ہاؤس پشاور میں منعقد ہوئے جس میں مذکورہ یونیورسٹیوں کے مالی سال 2021-22 کے بجٹ منظوری کے لئے پیش کئے گئے، سینٹ کے الگ الگ اجلاس میں مذکورہ یونیورسٹیوں کی جانب سے تیار کردہ مالی سال 2021-22 کے بجٹ کی ترجیحات اور اور تکنیکی پہلوؤں کا جائزہ لینے کے بعد خوشحال خان خٹک یونیورسٹی کرک کا بجٹ منظور کر لیا گیا جبکہ زرعی یونیورسٹی ڈی آئی خان کے 2021-22 کے بجٹ کی محکمہ فنانس، محکمہ زراعت اور ہائر ایجوکیشن ڈیپارٹمنٹ کے ساتھ مشاورت سے بجٹ ترجیحات درست کرنے کی مشروط منظوری دی گئی۔

(جاری ہے)

واضح رہے کہ گورنرخیبرپختونخوا شاہ فرمان نے تمام یونیورسٹیوں کو ہدایت کی تھی کہ تمام یونیورسٹیاں اپنا مالی سال2021-22 کا بجٹ تیار کر کے جون میں سینٹ اجلاس میں منظوری کیلئے پیش کریں۔مذکورہ 2یونیورسٹیوں کے الگ الگ سینٹ اجلاس میںکرک سے رکن صوبائی اسمبلی ملک ظفراعظم، پرنسپل سیکرٹری برائے گورنر محمد ادریس، سیکرٹری محکمہ ہائرایجوکیشن محمد داؤد خان،سیکرٹری محکمہ زراعت محمد اسرار، ایڈیشنل سیکرٹری محکمہ خزانہ سفیر احمد، وائس چانسلر خوشحال خان خٹک یونیورسٹی کرک پروفیسر ڈاکٹر جوہر علی، وائس چانسلر زرعی یونیورسٹی ڈی آئی خان پروفیسر ڈاکٹر مسرور الہی بابر،کے علاوہ دیگر متعلقہ سینٹ اراکین نے شرکت کی۔

Your Thoughts and Comments