Huawei unveils the 10.4 MatePad with M-Pencil support

ہواوے نے ایم-پنسل سپورٹ کے ساتھ 10.4 انچ میڈیا پیڈ پیش کر دیا

ہواوے نے ایک آن لائن لانچنگ ایونٹ میں نیا ہواوے میٹ پیڈ متعارف کرایاہے۔یہ ٹیبلٹ نومبر میں چین میں متعارف کرائے گئے میٹ پیڈ پرو کا ڈاؤن گریڈڈ ورژن ہے۔
ہواوے میڈیا پیڈ کے اس ورژن کا ڈسپلے 10.4 انچ (2,000 x 1,200 پکسل ریزولوشن) آئی پی ایس ہے۔

اس میں ہواوے کا اپنا Kirin 810 چپ سیٹ ہے۔ اس ٹیبلٹ میں 7250 ایم اے ایچ کی بیٹری ہے جسے ٹائپ-سی پورٹ کے ذریعے 18Wپر فاسٹ چارج کیا جا سکتا ہے۔اس ٹیبلٹ کے فرنٹ اور بیک پر 8 میگا پکسل کے کیمرے ہیں۔ بیک کیمرہ آٹو فوکس ہے جبکہ فرنٹ کیمرہ فکسڈ فوکس ہے۔

اس ٹیبلٹ کاوزن 450 گرام اور پیمائش 245.2mm x 154.96mm x 7.35mm ہے۔
ہواوے نے لانچنگ ایونٹ کے ساتھ جو پریس میٹریل جاری کیا ہے، اس کے مطابق یہ ٹیبلٹ تعلیمی مقاصد کے لیے بہتر ین ہے۔
اس ٹیبلٹ میں EMUI انسٹال ہے جو ملٹی ونڈو کو سپورٹ کرتا ہے اور دوسری مطابقت رکھنے والی ڈیوائسز سے مربوط ہوسکتاہے۔

(جاری ہے)

میڈیا پیڈ کے اس ورژن میں گوگل سروسز نہیں ہیں لیکن اس میں ہواوے کی ایم -پنسل کی سپورٹ ہے۔اس میں چار بڑے ہرمین کارڈن سپیکر نصب ہیں، جس سے صارفین بہتر طور پر سیکھ سکتے ہیں اور ملٹی میڈیا سے بہتر طور پر لطف اندوز ہو سکتے ہیں۔
ہواوے میٹ پیڈ تین کنفیگریشنز 4 جی بی + 64 جی بی وائی فائی، 6 جی بی + 128 جی بی وائی فائی اور 6 جی بی + 128 جی بی ایل ٹی ای میں دستیاب ہے۔ان سب کی قیمت بالترتیب 1899 یوان یا 270 ڈالر، 2199 یوان یا 310 ڈالر اور 2499 یوان یا 350 ڈالر ہے۔