SAMSUNG FUNDED SMART SHOES THAT ANALYZE YOUR FEET

سام سنگ نے سمارٹ جوتوں کی فنڈنگ بھی شروع کردی

ٹیکنالوجی کمپنیاں چاہتی ہیں کہ ہمارے پہننے اور استعمال میں رہنے والی ہر چیز سمارٹ ہوجائے، اسی لیے سام سنگ نے سمارٹ جوتوں IOFIT کے لیے مالی معاونت فراہم کرنا شروع کر دی ہے۔
IOFIT ایسے جوتے ہیں جو پہننے والوں کو ان کے ورزش اور دوسرے معمولات کے حوالے سے تفصیلی معلومات فراہم کریں گے۔

یہ جوتے صرف یہی نہیں بتائیں گے کہ آپ کتنے قدم چل چکے ہیں بلکہ یہ جوتے ورزش کے دوران سنٹر آف گریویٹی سے متعلق معلومات بھی مہیا کریں گے۔یہ مختلف کھیلوں کے دوران آپ کے پاؤں کی حرکات سے متعلق فیڈ بیک بھی فراہم کریں گے۔
یہ جوتے اس طرح بنائے گئے ہیں کہ یہ خود ہی ٹرینر کے طور پر کام کریں گے ۔

یہ جوتے آپ کی ورزش کو جانچ کر قریبی ڈیوائس پر فیڈ بیک مہیا کریں گے۔

(جاری ہے)

یہ جوتے وزن، پاؤں کا پریشر، سنٹر آف گریوٹی، پاؤں کا ٹیمپو اور زمین سے رابطہ بھی جانچتے ہیں۔ حیرت انگیز طور پر ان جوتوں کی بیٹری ٹائمنگ 10 دن کی ہے۔

IOFITسام سنگ کی بنائی ہوئی کمپنی تھی ، مگر2015 میں اسے ایک آزاد کمپنی کے طور پر الگ کر دیا گیا۔ابھی ان جوتوں کا صرف پروٹو ٹائپ تیار کیا گیا ہے، ابھی کمپنی جوتے بنانے والے ایسے ادارے کو دیکھ رہی ہے ،جو اسے تیار کر سکے۔ کمپنی ان جوتوں کو اگلےہفتے موبائل ورلڈ کانگرس میں بھی پیش کرے گی۔یہ بھی ہوسکتا ہے کہ اس سال کے آخر تک انہیں کراؤڈ فنڈنگ ویب سائٹ کے ذریعے پیش کیا جائے۔