گ*گوجرہ، موٹروے ایم فور پولیس کا نیشنل ٹیکسٹائل یونیورسٹی میں روڈ سیفٹی سیمینار

گوجرہ(اُردو پوائنٹ اخبارتازہ ترین - آن لائن۔ 16 مئی2024ء) نیشنل ہائی ویز اینڈ موٹروے پولیس ایم فور سیکٹر ون پر موٹروے پولیس کا نیشنل ٹیکسٹائل یونیورسٹی میں روڈ سیفٹی سیمینار ، آئی جی نیشنل ہائی ویز اینڈ موٹروے پولیس سلمان چوہدری کے احکامات اور ڈی آئی جی موٹروے شاہد جاوید کی ہدایات کی روشنی میں روڈ سیفٹی اویرنیس یونٹ کی روڈ سیفٹی آگاہی مہم کا اہتمام کیا گیا اس سلسلے میں روڈ سیفٹی اویرنیس یونٹ نے نیشنل ٹیکسٹائل یونیورسٹی فیصل آباد میں روڈ سیفٹی سیمینار کا انعقاد کیا۔

انچارج روڈ سیفٹی اویرنیس یونٹ محمد عثمان شبیر نے روڈ سیفٹی پر لیکچر دیا تقریب کے مہمانِ خصوصی سیکٹر کمانڈر موٹروے پولیس قلب عباس سپرا تھے۔ سیمینار میں رجسٹرار سلمان سیف، یونیورسٹی فیکلٹی، انتظامی افسران، طلباء اور جملہ سٹاف نے شرکت کی۔

(جاری ہے)

سیکٹر کمانڈر ایم فور نے اپنے خطاب میں کہا کہ موٹروے پولیس ہائی ویز اور موٹروے پرمسافروں کی جان ومال کی حفاظت کے لیے کوشاں ہے۔

عوام میں ٹریفک بارے شعور کے بغیر شاہراوں پر ٹریفک نظم و ضبط ممکن نہیں۔ ٹریفک قوانین پر عمل درآمد سے ہی حادثات میں کمی ممکن ہے۔ آج کا سیمینار آئی جی موٹروے پولیس سلمان چوہدری کی طرف سے عوام الناس میں آگاہی مہم کا حصہ ہے۔ رجسٹرار نیشنل ٹیکسٹائل یونیورسٹی سلمان سیف نے موٹروے پولیس کی خدمات کو سراہاآپ کا کہنا تھا کہ نئی نسل پاکستان کا مستقبل ہے مواصلات کے شعبے میں جدت اور قوانین کے بارے آگاہی ضروری ہے سیمینار کے شرکاء میں اعزازی شیلڈذ، گفٹ ہیمپرز اور سرٹیفکیٹ تقسیم کیے گئے۔