عید میلاد النبی ؐ کے موقع پر گورنر سندھ کا پیغام

کل کا دن انتہائی عقیدت اور محبت سے بھرا، دنیا میں محبت بانٹنے کا دن ہے کیونکہ ہمارے پیارے نبی ؐ نے اپنی پوری زندگی میں محبت بانٹی

جمعرات اکتوبر 23:37

عید میلاد النبی ؐ کے موقع پر گورنر سندھ کا پیغام
کراچی (اُردو پوائنٹ اخبارتازہ ترین - این این آئی۔ 29 اکتوبر2020ء) گورنر سندھ عمران اسماعیل نے کہا ہے کہ عید میلاد النبی ؐ ہمارے دلوں کے بہت نزدیک ہے کیونکہ اس دن پیارے نبی ؐ کو اللہ تعالی نے رحمت اللعالمین بنا کر اِس دنیا میں بھیجا۔عید میلاد النبی ؐ کے موقع پر اپنے پیغام میں گورنر سندھ نے کہا کہ وہ صحابہ کرام جن کو حضور ؐ کی خدمت کا شرف حاصل ہوا انہوں نے سب کچھ پالیا ، ہم ان کے جوتوں کی خاک بھی نہیں۔

گورنر سندھ نے کہا کہ ہماری خواہش اور کوشش ہونی چاہئیے کہ ہم اپنے نبی کریم ؐ کے بتائے ہوئے راستے کو اپنائیں اس طرف زیادہ سے زیادہ چلیں جو راستہ ہمارے پیارے نبی ؐ نے دکھایا۔ انہوں نے کہا کہ آج کا دن انتہائی عقیدت اور محبت سے بھرا، دنیا میں محبت بانٹنے کا دن ہے کیونکہ ہمارے پیارے نبی ؐ نے اپنی پوری زندگی میں محبت بانٹی۔

(جاری ہے)

ہمارے آقا ؐ نے کبھی کسی سے نفرت کا اظہار نہیں کیا اور تمام عالم کو انسانیت کا درس دیا کیونکہ آپ ؐ کو محسن انسانیت بنا کر مبعوث کیا گیا تھا۔

گورنر سندھ نے کہا کہ نبی کریم ؐ کی جانب سے انسانیت کا درس ایک بہت بڑا پیغام تھا کہ ہر شخص کا جس کو اللہ تعالی نے زندگی دی ہے ،جس کو بنایا ہے اس کا خیال رکھنا ، اس کے ساتھ پیار کرنا ، اس کے ساتھ انصاف کرنا ، اپنے مال سے ، اپنے عمل کے ذریعہ خصوصا ضرورت مندوں کا خیال رکھنا اس درس کا بنیادی نکتہ ہے۔ آپ سب کو میری طرف سے 12 ربیع الاول بہت بہت مبارک ہو۔

متعلقہ عنوان :

کراچی شہر میں شائع ہونے والی مزید خبریں:

Your Thoughts and Comments