فرانس میں گستاخانہ خاکوں کیخلاف کراچی کے صحافیوں کا پریس کلب کے باہر احتجاجی مظاہرہ
فرانس میں گستاخانہ خاکوں کی اشاعت کے خلاف کراچی کی صحافی برادری سراپا احتجاج بن گئی
جمعرات 29 اکتوبر 2020 23:37
(جاری ہے)
احتجاجی مظاہرے سے کراچی یونین آف جرنلسٹس دستور کے صدر ریاض احمد ساگر،سیکرٹری محمد عارف خان،کراچی پریس کلب کے صدر امتیاز خان فاران،سیکرٹری ارمان صابر،کراچی یونین آف جرنلسٹس کے صدر حسن عباس،سیکرٹری عاجز جمالی،جی ایم جمالی،پیپ کے صدر محمد جمیل،جنرل سیکرٹری عباس مہدی،کراچی پریس کلب کے سابق سیکر ٹری اے ایچ خانزادہ،عامر لطیف سمیت دیگر نے خطاب کیا۔
مقررین نے کہا کہ فرانسیسی صدر انتہا پسندی کو ہوا دے رہے ہیں،آزادی اظہار رائے کی آڑ میں دنیا بھر کے مسلمانوں کی حرمت کی توہین کی گئی جس سے ہر مسلمان دل گرفتہ ہے۔ آزادی اظہار رائے کی آڑ میں ایک ارب 90 کروڑ مسلمانوں اور ان کی حرمت کی توہین کی گئی جس سے صرف انتہا پسندی کو تقویت ملے گی۔ہم اپنے پیارے نبی حضرت محمدؐ کی ناموس کی حفاظت کے لیے کچھ بھی کرگزرنے کو تیار ہیں۔ ہم ایسی کسی آزادی کو نہیں مانتے جس میں رسول اللہ کی گستاخی کی جائے۔اس کو اظہار رائے کی آزادی قرار دینا ظلم ہے۔گستاخانہ خاکوں کی اشاعت سے دنیا بھر میں بسنے والے مسلمانوں کے جذبات مجروح ہوئے ہیں۔کراچی پریس کلب کے صدر امتیاز خان فاران نے کہا کہ فرانسیسی صدر میکرون نے پورے عالم اسلام کے جذبات کو مجروح کیا ہے فرانس میں گستاخانہ خاکوں کی اشاعت حکومت کی سر پرستی میں کی گئی ہے جس کی جتنی بھی مذمت کی جائے وہ کم ہے اس لیے ضروری ہے کہ فرانس سے ہر سطح پر تعلقات ختم کیے جائیں۔سیکرٹری ارمان صابر نے کہا کہ کوئی مسلمان حضرت محمد ؐ کی شان میں گستاخی برداشت نہیں کر سکتا فرانس نے پورے مسلم دنیا کے مسلمانوں کے جذبات مجروح کیے ہیں،انہوں نے کہا کہ فرانسیسی صدر انتہا پسندی کو ہوا دے رہے ہیں،فوری طور پرفرانسیسی سفیر کو ناپسندیدہ شخصیت قرار دے کر ملک بدر کیا جائے،صحافی برادری حضور ؐکی شان میں کسی گستاخی پر خاموش نہیں رہیں گے،صحافی برادری اس اقدام کی شدید مذمت کرتی ہے اور سراپا احتجاج ہے۔کراچی یونین آف جرنلسٹس دستور کے صدر ریاض احمد ساگر نے کہاکہ ہم فرانس کے صدر کی طرف سے گستاخانہ خاکوں کی اشاعت کے فیصلے کی شدید مذمت کرتے ہیں۔ پیغمبر اسلام حضرت محمدؐ کی بے حرمتی کرنے والے دنیا کے امن کے ساتھ کھیل رہے ہیں۔فرانسیسی صدر کا اس معاملے کو آزادی اظہار رائے کا بیان دینا قابل مذمت ہے۔سیکرٹری محمد عارف خان نے خطاب کرتے ہوئے کہا کہ پیغمبر اسلام محمدؐ کے خاکے بنانے والوں اور ان کے سرپرستوں کو قانون کی گرفت میں لایا جائے۔ مغرب میں مسلمانوں پر حجاب، قرآن، مساجد، اسلامی تعلیمات، اسلامی شعائر کے خلاف منفی پروپیگنڈا بند کیا جائے۔او آئی سی اس اسلسلہ میں موثر اقدام کرے۔ حکومت پاکستان امت مسلمہ اور پاکستانی صحافیوں کے جذبات فرانس تک پہنچائے۔کراچی یونین آف جرنلسٹس کے صدر حسن عباس نے کہا کہ فرانس میں بار بار شان رسالت محمد ؐکی شان میں گستاخیاں کی جارہی ہیں۔ فرانسیسی حکومت کی زیر سرپرستی میگزین میں توہین آمیز خاکے شائع کئے گئے ہیں۔توہین آمیز خاکوں کی اشاعت کے بعد امت مسلمہ کے دل اور جذبات مجروح ہوئے ہیں۔فرانس کے صدر کا بیان سلام اور امت مسلمہ کے خلاف ہے جو کہ قابل مذمت بھی ہے اور ہم اس کی بھرپور مذمت کرتے ہیں۔جی ایم جمالی نے کہا کہ آزادی اظہار رائے کے نام پر اسلام اور مسلمانوں کے خلاف سازشیں بند کی جائیں۔دنیا کے کسی بھی معاشرے میں رائے کے اظہار کی ایسی آزادی نہیں دی جاتی جس سے دوسروں کے جذبات مجروح ہوں۔کراچی میں شائع ہونے والی مزید خبریں
کراچی اور حیدر آباد میں پولیس مقابلے، 3 زخمیوں سمیت 5 ملزم گرفتار
کراچی، جھگڑے کے بعد شراب فروشوں نے نوجوان کو قتل کردیا
کراچی میں منشیات فروشوں کی فائرنگ سے 2 دوست جاں بحق
یوٹیلیٹی اسٹورز عوام کو ریلیف دینے میں ناکام، ہرچیزمارکیٹ سے بھی مہنگی
ایف بی آر کے 2700 ارب کے ٹیکس کیسز دہائیوں سے التوا کا شکار
پی آئی اے کی ری اسٹرکچرنگ اسکیم ایس ای سی پی نے منظور کرلی
سعودی عرب کے روڈ ٹو مکہ منصوبے کے سلسلے میں 44رکنی سعودی وفدکراچی پہنچ گیا
کراچی: امتحانی مراکز میں غیر متعلقہ افراد کے داخلے پر پابندی عائد
آئی جی سندھ سے نیویارک پولیس ڈپارٹمنٹ کے مختلف کیڈرز کے افسران کی ملاقات
پبلک پارکس اور پارکنگ فیس وصول کرنے کے کیس میں ڈی جی پارکس سمیت دیگر کو نوٹس جاری
میئر کراچی کے براہ راست انتخابات کے قانون کے خلاف درخواست پر فریقین کو 30 مئی کے لئے نوٹس جاری
لاپتہ افراد کی بازیابی ،سندھ ہائی کورٹ نے سیکرٹری دفاع سے حلف نامہ کے ساتھ رپورٹ طلب کرلی
کراچی سے متعلقہ
پاکستان کی تازہ ترین خبریں
-
تھانے میں توڑ پھوڑ پر 27 خواجہ سراؤں کے خلاف مقدمہ درج، 3 کو گرفتار کرلیا گیا
-
پی آئی سی میں مریضوں کی آسانی کیلئے موڈیولر تھیٹرز کو ہنگامی بنیادوں پر مکمل کروایا جا رہا ہے‘خواجہ سلمان رفیق
-
لاہور ،منشیات سپلائی کرنیوالے بڑے گینگ کے ملزمان گرفتار،کروڑوں روپے کی منشیات برآمد
-
لاہور ، بدنام زمانہ ڈکیت گینگ کے 2ارکان گرفتار
-
پنجاب ،کھیتوں میں مونجی کی فصل کی باقیات کو آگ لگانے پر سخت اور مکمل پاپندی ہو گی‘مریم اورنگزیب
-
پنجاب میں گندم کے معاملے پر انکوائری کمیشن کو کچھ نہیں ملے گا،میرے خلاف انکوائری کی خواہش رکھنے والوں کو مایوسی ہوگی‘ محسن نقوی
-
پاکستان امن کا گہوارہ نہ بنا تو ترقی وخوشحالی کے تمام تر خواب شرمندہ تعبیر نہیں ہوسکیں گے‘احسن اقبال
-
امن کے بغیر پائیدار ترقی اور خوشحالی ممکن نہیں ، وفاقی وزیر برائے منصوبہ بندی و ترقی یونیورسٹی آف نارووال میں کانفرنس سے خطاب
-
خیبر،جمرود پولیس کی کارروائی، 2ملزمان گرفتار
-
وزیراعظم یوتھ پروگرام کا مقصد نوجوانوں کی صلاحیتوں کومناسب پلیٹ فارم مہیا کرکے ملک کو معاشی ترقی کی راہ پر گامزن کرنا ہے، رانا مشہود احمد خان
-
احسن اقبال کی عام انتخابات میں کامیابی کے نوٹیفیکیشن کو کالعدم قرار دینے کی درخواست پر فریقین کو نوٹس جاری
-
پاکستان اور سعودی عرب کے درمیان اعتماد کا رشتہ ہے، وزیر تجارت