بیکنگ کے عالمی دن کی مناسبت سے تیسرے پاکستان بیکنگ سمٹ کا انعقاد

جمعرات 16 مئی 2024 18:50

کراچی (اُردو پوائنٹ اخبارتازہ ترین - اے پی پی۔ 16 مئی2024ء) بیکنگ کے عالمی دن کی مناسبت سے کراچی کے مقامی ہوٹل میں تیسرے پاکستان بیکنگ سمٹ کا انعقاد کیا گیا۔سمٹ کے مہمانِ خصوصی ڈائریکٹر جنرل سندھ فوڈ اتھارٹی آغا فخر حسین تھے۔ جمعرات کو جاری اعلامیہ کے مطابق سربراہی اجلاس کا موضوع''محفوظ، پائیدار اور سستی بیکنگ''تھا۔ اس کانفرنس میں بیکنگ انڈسٹری میں ذمہ دارانہ طریقوں کی اہمیت کو اجاگر کیا گیا۔

(جاری ہے)

خوراک کی حفاظت، پائیداری، اور بیکنگ میں رسائی جیسے اہم موضوعات پر بات کرنے کے لیے مختلف شعبوں کےسٹیک ہولڈرز نے شرکت کی۔ سربراہی اجلاس کا مقصد ان اہم مسائل کو حل کرنے کے لیے تعاون اور جدید تقاضوں کو فروغ دینا تھا۔ایجنڈے میں بیکنگ کے محفوظ طریقے، غذائیت سے بھرپور اختیارات اور برآمدی امکانات جیسے موضوعات پر تبادلہ خیال کیا گیا۔ ڈائریکٹر جنرل سندھ فوڈ اتھارٹی آغا فخر حسین نے صارفین کی صحت اور ماحولیاتی ذمہ داری کو ترجیح دینے پر زور دیا۔