حمزہ عباسی اور نیمل خاورنے سادگی اپنا کر نکاح کی تقریب کو مثال بنا دیا

کراچی(اُردو پوائنٹ اخبارتازہ ترین - این این آئی۔ 26 اگست2019ء) ڈرامہ اور فلم انڈسٹری کے معروف اداکار حمزہ علی عباسی اداکارہ نیمل خاور کے ساتھ رشتہ ازواج میں منسلک ہوگئے۔بہترین اداکاری اور ا?واز کی وجہ سے پہچانے جانے والے حمزہ عباسی مداحوں میں مقبول اداکار سمجھے جاتے ہیں۔ وہ اداکاری کے سفر کے ساتھ ساتھ اب زندگی کے ایک نئے سفر پر چل پڑے ہیں۔

چند روز قبل شادی کا اعلان کرنے والے حمزہ شادی کے بندھن میں بندھ گئے ہیں۔حمزہ علی عباسی کی شادی کے حوالے سے یہ خبر سامنے ا?ئی تھی کہ انہوں نے مہندی اور ڈھولکی جیسی فرسودہ رسومات منانے سے انکار کردیا تھا اور ان کے نکاح کی تقریب بھی سادگی سے منائی گئی۔نہ صرف انہوں نے بلکہ اٴْن کی دلہن نیمل خاور نے بھی روایتی مہنگی ترین شادی کے رواج کو اپنانے کے بجائے سادگی کو ترجیح دی اور سادہ لباس زیب تن کرکے نکاح کی تقریب کو مثال بنا دیا۔

(جاری ہے)

حمزہ اور نیمل کے نکاح کی تقریب قریبی دوستوں اور رشتے داروں کی موجودگی میں انجام پائی۔نکاح کی تقریب میں مشہور ڈرامہ ’انا‘ کے مقبول کردار التمش بالمعروف عثمان مختار نے بھی شرکت کی اور تصویر بنوائی۔واضح رہے کہ حمزہ عباسی اپنی اہلیہ سے 8 سال بڑے ہیں۔ دونوں اداکار ایک سال قبل ملے تھے جو بعد ازاں اچھے دوست بن گئے۔ حمزہ نے شادی خاموشی سے کرنے کا فیصلہ کیا تھا تاہم شادی کارڈ سوشل میڈیا پر وائرل ہونے کی وجہ سے انہیں خود اپنی شادی کا اعلان کرنا پڑا۔