بجلی چوروں کے خلاف آپریشن جاری،24گھنٹوں کے دوران مزید390افراد بجلی چور پکڑ ے گئے

انسداد بجلی چوری مہم کو192مکمل ، بجلی چوروں کو 3ارب22 کروڑ سے زائد مالیت کے ڈیٹکشن بل جاری کئے گئے ‘ ترجمان

جمعرات 28 مارچ 2024 12:54

بجلی چوروں کے خلاف آپریشن جاری،24گھنٹوں کے دوران مزید390افراد بجلی چور پکڑ ے گئے

لاہور(اُردو پوائنٹ اخبارتازہ ترین - این این آئی۔ 28 مارچ2024ء) لاہور الیکٹرک سپلائی کمپنی کا بجلی چوروں کے خلاف کریک ڈائون جاری ہے اور گزشتہ 24 گھنٹوں کے دوران ریجن بھر میں 390ملزمان بجلی چوری میں ملوث پائے گئے، جن میں سے 180کے خلاف مقدمات درج کرا دئیے گئے۔ پکڑے جانے والے کنکشنز میں 13 کمرشل،2زرعی,1انڈسٹریل اور374ڈومیسٹک تھے جنہیں منقطع کرکے ان کو3لاکھ22 ہزار142یونٹس ڈٹیکشن بل کی مد میں چارج کئے گئے جن کی مالیت88لاکھ17 ہزار999روپے بنتی ہے۔

(جاری ہے)

شاہدرہ کے علاقے میں کنکشن کو1لاکھ روپے،داتا دربار کے علاقے میں کنکشن کو90 ہزار روپے،شاہدرہ ٹائون کے ہی علاقے میں ایک ملزم کو84ہزارروپے اورشفیق آباد کے علاقے میں ایک ملزم کو80 ہزارروپے کی رقم چارج کی گئی ۔ انسداد بجلی چوری مہم کو192مکمل ہوگئے ہیں، اس دوران کل68 ہزار123ملزمان بجلی چوری میں ملوث پائے گئے،66ہزار171ملزمان کے خلاف مقدمات درج کروا کر20ہزار119 ملزمان کو گرفتار کرلیا گیا۔ بجلی چوروں کو اب تک 8 کروڑ51 لاکھ53 ہزار 123یونٹس چارج کئے گئے جن کی مالیت 3ارب22 کروڑ23 لاکھ52 ہزار262روپے بنتی ہے ۔