پنجاب فوڈ اتھارٹی کا ساہیوال میں 10 گھنٹے طویل آپریشن

0 کلودال مٹری،545 کلوایکسپائر سلانٹی، 100 کلو ملاوٹی مصالحہ جات، 120 بھاری مقدار میں چیز،آٹا تلف استعمال شدہ کھلے آئل،مٹری دال اور ملاوٹی مصالحہ جات سے سنیکس تیار کیے جا رہے تھے۔ڈی جی فوڈ اتھارٹی

ہفتہ 19 جنوری 2019 23:56

لاہور۔19 جنوری(اُردو پوائنٹ اخبارتازہ ترین - اے پی پی۔ 19 جنوری2019ء) پنجاب فوڈ اتھارٹی کی فوڈ سیفٹی ٹیموںنے جعل ساز مافیا کیخلاف ساہیوال میں 10 گھنٹے طویل آپریشن کیا۔ممنوعہ اجزاء،ملاوٹی مصالحہ جات کے استعمال اور صفائی کے ناقص انتظامات پر3فیکٹریاں اور2پروڈکشن یونٹس سیل کر دیے گئے۔بھاری مقدار میں مٹری دال،ملاوٹی مصالحہ جات اور مضر صحت خوراک تلف کر دی گئی۔

تفصیلات کے مطابق پنجاب فوڈ اتھارٹی کی ٹیموں نے خصوصی آپریشن کے دوران زنگ آلود بلاکس کے استعمال،گندے بدبو دار برتنوں میں چیز تیار کرنے پر سن رائز ڈیری فوڈز کوسیل کر دیا۔استعمال شدہ کھلے آئل،مٹری دال اور ملاوٹی مصالحہ جات سے سنیکس اوربچوں کی غیر معیاری اشیاء تیار کرنے پر نمرہ فوڈ انڈسڑی اور معظم فوڈ انڈسڑی کو سیل کیا گیا۔

(جاری ہے)

مٹھائی میں مرے مچھروں، مکھیوں کی موجودگی،کھلے رنگوں، سکرین اور مضر صحت گھی کے استعمال پر التاج سویٹس پروڈکشن یونٹ پر کارروائی کی گئی۔

پنجاب فوڈاتھارٹی کی ٹیموں نے کارروائیوں کے دوران1300 کلودال مٹری،545 کلوایکسپائر سلانٹی، 100 کلو ملاوٹی مصالحہ جات، 120 کلو ناقص آٹا، 125کلو خراب بد بو دار زچیز اور دیگر اشیاء تلف کر دیں۔ڈی جی فوڈ اتھارٹی کا کہنا تھا کہ مٹری دال کا انسانی اشیاء میں استعمال ممنوع ہے یہ صرف جانوروں کو ڈالی جا سکتی ہے۔خوراک کے کاروبار سے منسلک افراد اپنا قبلہ درست رکھیں اور ملاوٹ سے باز رہیں۔ معیاری اور خالص خوراک تیار کر کے اپنا دینی اور قومی فریضہ ادا کریں۔ پنجاب میں صرف قوانین پر مکمل عمل کر کے ہی خوراک کا کاروبار کیا جا سکتا ہے۔کیپٹن(ر)محمد عثمان نے عوام سے گزارش کی ہے کہ اپنے اردگرد کڑی نظر رکھیں اور صحت دشمن عناصر کی بروقت اطلا ع دیں۔