ترقی کی راہ میں سب سے بڑی ر کاوٹ موزوں منصوبہ بندی کا فقدان ہے‘کاروبار میں آسانی کے حوالے سے متعدد ریفارمز متعارف کروائی جا رہی ہے‘ مخدوم ہاشم جواں بخت
منگل 22 جنوری 2019 18:20
(جاری ہے)
ان خیالات کا اظہار انہوں نے منگل کو یہاں مقامی ہوٹل میں محکمہ خزانہ پنجاب، پلاننگ اینڈ ڈویلپمنٹ بورڈ ، انٹرنیشنل گروتھ سینٹر اور سی ڈی پی آر کے اشتراک سے پنجاب میں ترقی کے لیے نئی ترجیحات کے حوالے سے منعقدہ سیمینار کے پہلے سیشن سے خطاب کے دوران کیا ۔
صوبائی وزیر نے کہا کہ پنجاب کی آئندہ پانچ سالہ ترقیاتی منصوبہ بندی کی بنیاد زراعت اور چھوٹے اور درمیانے درجے کے کاروبار کے فروغ پر رکھی گئی ہے۔ پبلک سیکٹر میں سب سے مشکل مرحلہ فیصلہ سازی ہے جس میں بیوروکریسی انجن کا کردار ادا کرتی ہے۔پبلک سیکٹرکی استعداد کار میں ا-ضافے کے لیے پرائیویٹ سیکٹر کو متحرک کیا جا رہا ہے ۔ کاروبار میں آسانی کے حوالے سے متعدد ریفارمز متعارف کروائی جا رہی ہے۔ بزنس پورٹل پر کام کا آغاز کیا جا چکا ہے۔ ایس ایم ایزکے فروغ کے لیے سرمایہ کاری میں معاونت فراہم کی جا رہی ہے۔ سیکرٹری فنانس شیخ حامد یعقوب نے اپنے خطاب میں ڈویلپمنٹ پروجیکٹس میں مالی منصوبہ بندی کی ضرورت پر زور دیا اور بجٹ کی تیاری کے نئے طریقہ کار کی وضاحت کرتے ہوئے بتایا کہ آئندہ بجٹ میں ڈویلپمنٹ اور نان ڈویلپمنٹ کی تخصیص کو ختم کیا جا رہا ہے اور محکموں کو وسائل میں اضافے اور سالانہ ترقیاتی پروگرام کی تیاری کے لیے ماہرین سے مشاورت کے مواقع مہیا کئے جا رہے ہیں۔ اس ضمن میں مختلف محکمے مڈٹرم بجٹ ری فریم ورک کی تیاری کا آغاز کر چکے ہیں۔ چیئرمین پلاننگ اینڈ ڈویلپمنٹ بورڈ حبیب گیلانی نے کہا کہ ماضی میں انفراسٹریکچر پر غیر متناسب اخراجات کی وجہ سے سوشل سیکٹر کا بجٹ بری طرح متاثر ہوا جس کی وجہ سے صوبے کے کروڑوں عوام کی زندگیاںمتاثر ہوئیں۔ موجودہ حکومت کی پہلی ترجیح سوشل سیکٹر ہے۔مستقبل میں سوشل سیکٹر کی ترقی ہی صوبے کی خوشحالی کا سبب بنے گی۔چیئرمین پلاننگ اینڈ ڈویلپمنٹ نے شرکاء کو بتایا کہ پنجاب کی آئندہ پانچ گروتھ سٹریٹجی خالصتاً زمینی حقائق کے مطابق ماہرین معاشیات کی تحقیق کی روشنی میں تیار کی گئی ہے جو نہ صرف عام آدمی کی زندگی میں آسانیاں پیدا کرے گی بلکہ صوبے کے معاشی مستقبل کو بھی محفوظ بنائے گی ۔ سیمینار میں ڈاکٹر ماہر معاشیات ڈاکٹر غلام بنی، ولڈ بنک کے کنٹری ہیڈ پیچاموتھو اعلانگون Patchamuthu Illangovan) ( ،پنجاب میں ڈیفڈ کے نمائندے جنال شاہ نے بھی اپنے خیالات کا اظہار کیا۔ ڈاکٹر غلام نبی نے کہا کہ اکانومی کی موجودہ صورت-حال میں کوئی ایک حکومت قصور وار نہیں بلکہ یہ تاریخی سلسلہ ہے جو کئی ادوار سے چلا آ رہا ہے ۔موجودہ حکومت معاشی بحران کے خاتمے کیلئے سنجیدہ اقدامات اُٹھا رہی ہے ۔ مالی خلاء کو پورا کرنے کے لیے سبسڈی کے بوجھ کو کم کرنا ہوگا ۔ ورلڈ بنک کے کنٹری ہیڈ نے کہا کہ خطے میں معاشی ترقی کے لیے بین الاقوامی فنانسنگ، بیوروکریسی اور حکومت کو ملکر آگے بڑھنا ہو گا۔ جنال شاہ نے کہا کہ پاکستان کو پاک چائنا اکنامک کاریڈور کو صرف چائنا کے لیے نہیں خود اپنے لیے بھی سود مند بنانا ہو گا اور سی پیک سے بھرپور استفادہ کے لیے ضروری ہے کہ پاکستان اپنے پروجیکٹس کی بنیاد حقیقی شواہد پر رکھے اور سکلز ڈویلپمنٹ کو فروغ دے۔ صوبائی وزیر نے سیمینار میں ماہرین اور مختلف جامعات ریسرچ سکالرز کی جانب سے ملنے والے فیڈ بیک اور تنقید کا خیر مقدم کرتے ہوئے اسے پالیسی سازی میں معاون قرار دیا اور مستقبل میں ایسے مزید سیمینارز کے انعقاد کی ضرورت پر زور دیا۔لاہور میں شائع ہونے والی مزید خبریں
لاہور الیکٹرک سپلائی کمپنی کی جانب سے انسداد بجلی چوری مہم کامیابی کے ساتھ جاری ،گزشتہ 24 گھنٹوں میں ..
نگران دور میں گندم کی غیر ضروری درآمد سے کاشتکار کیلئے بحران پیدا ہوا، وزیر خوراک پنجاب
حکومت گندم سکینڈل کی فیکٹ فائنڈنگ رپورٹ جلد پبلک کریگی،بلال یاسین
ٹریفک پولیس کا لائسنس ٹائوٹوں کے خلاف کریک ڈائون
اووربلنگ اور بجلی چوری کیخلاف ایکشن، وزیرداخلہ نے کریک ڈاؤن تیز کرنے کا حکم دیدیا
ج*پی ٹی آئی کارکن ظالمانہ نظام کیخلاف ڈ ٹ کر کھڑے ہیں: فرخ جاوید مون
ق*رکشہ سٹینڈ فراہم کئے جائیںاور ناجائز چالانوں کا سلسلہ بند کیا جائے : ایوب خان
م*پہلے سے نیٹ میں موجود ٹیکس دہندگان کے لیے نئے قوانین نہ بنائے جائیں : کاشف انور
kڈی آئی جی آپریشنز آفس میں کھلی کچہری کا سلسلہ جاری
ٓچوہدری شافع حسین کا پنجاب سمال انڈسٹریز کارپوریشن کی ڈیوس روڈ پر ہینڈی کرافٹس شاپ کا دورہ
ادارہ نظریہ پاکستان کے زیر اہتمام شہداء بالاکوٹ کو خراج عقیدت پیش کرنے کیلئے خصوصی لیکچر کا اہتمام
پی ڈی ایم ٹو کا ایڈونچر پاکستان اور نسلوں کو تباہی کی طرف لے جارہا ہے
لاہور سے متعلقہ
پاکستان کی تازہ ترین خبریں
-
سرگودھا،کسی کے پاسپورٹ پر اپنی تصویر لگا کر وطن واپس آنے والا شہری پکڑا گیا
-
ختم نبوت قانون پلیٹ میں رکھ کر نہیں ملا اس کیلئے 10 ہزار اہل اسلام نے شہادتیں دیں،مولانا طاہر محمود اشرفی
-
نواز شریف نے توشہ خانہ ریفرنس میں بریت کی درخواست دائر کردی، فریقین کو نوٹسز جاری
-
چیف جسٹس کی مدت طے کرنے کا مطالبہ بارز کی طرف سے آیاہے،رانا ثناءاللہ
-
علی امین گنڈاپور نے عمران خان سے غداری کرکے یہ سیٹ لی، گورنر خیبر پختونخوا
-
وفاقی تعلیمی اداروں کی طالبات اورخواتین اساتذہ کیلئے مفت سفری سہولت فراہم کرنے کااعلان
-
احتساب عدالت کی جانب سے بیانات پر پابندی کے خلاف عمران خان نے اسلام آباد ہائی کورٹ میں درخواست دائرکردی
-
پاور ڈویژن نے کے الیکٹرک اور آزاد جموں و کشمیر کو سبسڈی کی ادائیگیوں کی مد میں 130 ارب روپے کا مطالبہ کردیا
-
حکومت گندم سکینڈل کی فیکٹ فائنڈنگ رپورٹ جلد پبلک کریگی،بلال یاسین
-
آئی ایم ایف کا مزید 1300 ارب روپے کے اضافی ٹیکس کا مطالبہ
-
پی ٹی اے کے بعد موبائل فون کمپنیوں نے بھی ایف بی آر کے حکم نامے کو مسترد کردیا
-
بلوچستان میں نے 11 ناراض اراکین اسمبلی کو پارلیمانی سیکرٹری مقرر کر دیاگیا