خیبر ،پولیس ،سیکیورٹی فورسز کا مشترکہ آپریشن ،ہلاک دہشت گرد سے بارے انکشافات سامنے آگئے

ہفتہ 27 اپریل 2024 23:26

پشاور(اُردو پوائنٹ اخبارتازہ ترین - این این آئی۔ 27 اپریل2024ء) ضلع خیبر میں پولیس اور سیکیورٹی فورسز کے مشترکہ آپریشن میں ہلاک دہشت گرد سے متعلق اہم انکشافات سامنے آگئے ۔ ہلاک دہشتگرد نے جمرود میں دینی مدرسوں کی4 طلباء کو اغواء کیا تھا ۔دہشتگرد نے طلباء کو کالعدم تنظیم میں شامل ہونے کی ترغیب دی تھی۔ ضلع خیبر میں پولیس اور سیکیورٹی فورسز کی فائرنگ سے ہلاک دہشتگرد سے متعلق انکشافات سامنے آگئے ۔

(جاری ہے)

پولیس کے مطابق دو روزقبل آپریشن میں انتہائی مطلوب دہشتگرد عظمت مارا گیا تھا ۔ ہلاک دہشتگرد نے جمرود میں دینی مدرسوں کی4 طلباء کو اغواء کیا تھا ۔ دہشتگرد نے طلباء کو کالعدم تنظیم میں شامل ہونے کی ترغیب دی تھی ۔دہشتگرد نے چاروں طلباء کو افغانستان منتقل کیا ۔ 2 طلباء کو افغانستان میں دہشتگردی کی تربیت دی جا رہی ہے ۔ا یک طالب علم کو افغانستان سے واپسی پر حساس اداروں نے گرفتار کیا ۔دہشتگرد عظمت کے سر کی قیمت لاکھوں روپے میں مقرر تھی ۔ ہلاک دہشتگرد سیکیورٹی فورسز اور پولیس پر حملوں اور ٹارگٹ کلنگ میں ملوث تھا۔