پ*ججز صاحبان کا شاندار استقبال ، پولیس کے چاق چوبنددستے نے سلامی دی
- زیارت کو اللہ پاک نے ایک منفرد مقام بخشا ہے، زیارت سیاحت کے لیے ایک پر فضاء مقام ہے
ہفتہ 27 اپریل 2024 22:30
(جاری ہے)
مسعود احمد ایڈووکیٹ نے چیف جسٹس اور ججز صاحبان کو روایتی پگڑیاں پہنچائیں۔ تقریب سے بار ایسوسی ایشن کے صدر موسیٰ جان کاکڑ،جنرل سیکرٹری کاشف پانیزئی،سردارقاسم سارنگزئی،یعقوب کاکڑ ایڈوکیٹ نے بھی خطاب کیا۔ چیف جسٹس بلوچستان ہائی کورٹ جسٹس ہاشم خان کاکڑ نے خطاب کرتے ہوئے کہا کہ بار ایسوسی ایشن زیارت کے اراکین کل مجھ سے ملے تھے اور ان کے دو مطالبے تھے میں نے ان کو بتایا کہ جو مطالبے مجھ سے تعلق رکھتے ہیں ان کا میں کل زیارت آکے اعلان کروں گا آج میں ان کے دونوں مطالبے پورے کرنے کا اعلان کرتا ہوں۔
آج میں زیارت کو سیشن ڈویڑن بنانیکا اعلان کرتا ہوں اور اس کے لیے سول جج کی تعیناتی کا آرڈر ایک ہفتے میں یقینی بناؤں گا۔ قانون بنانا پارلیمنٹ کا کام ہے اس پر عمل کرنا ایگزیکٹو کا کام ہے۔ قانون کی تشریح ہمارا کام ہے۔ ہمیں اپنے حدود کا اچھی طرح پتہ ہے ہمیں کسی دوسرے ادارے میں مداخلت کا شوق نہیں لیکن ایک بات کی وضاحت ضرور کرانا چاہتا ہوں کہ آئین میں آرٹیکل آٹھ سے لیکر آرٹیکل اٹھائیس تک بشری حقوق کی بات کی گئی ہے۔بشری حقوق کا تحفظ کرنا میری ذمہ داری ہے۔ بشری حقوق میں رائٹ آف لائف ہے۔ یہ زندگی کا حق دنیا کا کوئی قانون نہیں چھین سکتا۔ تعلیم، صحت، روڈ، سیاحت، اچھی آب وہوا، اچھی زندگی گزارنا آپ کا بنیادی حق ہے۔ اور یہ سب بشری حقوق میں شامل ہیں۔ اس مٹی کو ماں کی حیثیت سے دیکھتا ہوں۔جو بھی ہو اور اپنے آپ کو جتنا بھی طاقتور سمجھتا ہو اگر بشری حقوق کی وایلیشن کریگا زیارت میرا گھر ہے۔ اگر یہ لوگ اچھے اورخوش ہیں تو میں بھی اچھا اور خوش رہوں گا۔ زیارت کے عوام کو میں خوشحال دیکھنا چاہتا ہوں اور زیارت کے عوام کے لیے میں ہر جگہ آواز اٹھاوں گا۔ میں زیارت کے عوام سے اپیل کرتا ہوں کہ زیارت کے خوبصورت صنوبر کے جنگل کو بچائیں۔ زیارت کی خوبصورتی اسی جنگلات کی وجہ سے ہیں۔ یہ جنگل قدرت کا انمول تحفہ ہے۔ چیف جسٹس عدالت عالیہ بلوچستان نے کہا کہ جنگلات ہمارا مستقبل ہے۔ انہوں نے محکمہ جنگلات کے اعلیٰ حکام سے زیارت کے صنوبر کے جنگلات کی کٹائی روکنے اور اس کی حفاظت کو یقینی بنانے پر بھی زور دیا۔ تقریب سے بلوچستان ہائی کورٹ کے جج جسٹس عبداللہ بلوچ نے خطاب کرتے ہوئے کہا کہ سپانامہ میں جو مسائل بیان کئے گئے اس کاپورا بلوچستان شکار ہیں اس میں کوئی شک نہیں کہ زیارت کو اللہ پاک نے ایک منفرد مقام بخشا ہے۔ زیارت سیاحت کے لیے ایک پر فضاء مقام ہے۔ زیارت کی خوبصورتی صنوبر کے جنگلات کی وجہ سے ہیں ہونا تو یہ چاہیے تھا کہ زیارت میں خوبصورت پارک ہو اور سیاحتی مقامات ہو لیکن افسوس سے کہنا پڑتا ہے کہ مختلف حکومتیں آتی رہی ہیں وہ سیاحت کو فروغ دینے میں ناکام رہی ہیں یا زیارت ان کی حکومتوں کی ناکامی و عدم دلچسپی کا شکار رہا ہے۔ آج ہم نے جس روڈ پر سفر کیا ہے وہ توبہت زیادہ خراب ہے علاقے کے لوگ تو مجبور ہے کہ اس روڈ پر سفر کررہے ہیں۔ اس روڈ سے زیارت کی سیاحت کو بہت نقصان پہنچ رہا ہے ۔ دریں اثناء چیف جسٹس بلوچستان ہائی کورٹ جسٹس محمد ہاشم خان کاکڑ اور دیگر جسٹس صاحبان نے زیر تعمیر قائد اعظم پبلک لائبریری زیارت کا دورہ کیا ڈپٹی کمشنر زیارت حمود الرحمن نے لائبریری کے بارے میں تفصیلی بریفنگ دی۔ چیف جسٹس بلوچستان ہائی کورٹ جسٹس محمد ہاشم خان کاکڑ نے کہا کہ میں نے سوشل میڈیا پر دیکھا تھا کہ ڈی سی زیارت حمود الرحمن نے قائد اعظم پبلک لائبریری کے نام سے لائبریری بنادی ہے آج میں آپ کو یقین دلاتا ہوں کہ اس لائبریری کو میں خود مانیٹر کروں گا اور ڈی سی حمود الرحمن کے اس خواب کو میں پورا کروں گا اگر ڈپٹی کمشنر حمود الرحمن باہر سے آکر ہمارے بچوں کے مستقبل کو روشن کرنا اور ان سے اتنی محبت کرتا ہے تو ان کے خواب کو ضرور عملی جامہ پہنا کر پورا کروں گا۔ علاوہ ازیں چیف جسٹس بلوچستان ہائی کورٹ جسٹس ہاشم خان کاکڑ اور عدالت عالیہ کے ججز صاحبان نے الحجرہ ریزیڈیشنل کالج کا دورہ کیا طلباء نے سلامی پیش کی، الحجرہ کالج کے ایگزیکٹیو آفیسر عبدالرحمن عثمانی نے بریفنگ دی۔ چیف جسٹس نے طلباء کے ہاسٹل کا دورہ کیا۔زیارت میں شائع ہونے والی مزید خبریں
×سردار خان حسن ضیاء اور نوابزادہ امین اللہ رئیسانی کی طرف سے پانچ سو کتابیں قائد اعظم پبلک لائبریری ..
ّہسپتال میں طبی سہولیات کی فراہمی کے لیے بھرپور اقدامات کیے جائیں گے ، کمشنر سبی ڈویژن
غ*کتابوں سے دوستی کرنے والے اقوام دنیا پر حکمرانی کررہے ہیں، بشیر احمد بنگلزئی
}ہسپتال میں صفائی کے نظام کو مزید بہتر بنایا جائے، ڈی سی زیارت
ّہسپتال میں طبی سہولیات کی فراہمی کے لیے بھرپور اقدامات کیے جائیں گے ، کمشنر سبی ڈویژن
غ*کتابوں سے دوستی کرنے والے اقوام دنیا پر حکمرانی کررہے ہیں، بشیر احمد بنگلزئی
}ہسپتال میں صفائی کے نظام کو مزید بہتر بنایا جائے، ڈی سی زیارت
ا*محکمہ تعلیم اور صحت کو وہ خود مانیٹر کریں گے ، ڈپٹی کمشنر زیارت
ڈپٹی کمشنر زیارت کی زیر صدارت تمام محکموں کے افسران کا تعارفی جلاس ،محکمانہ امور بارے بریفنگ دی گئی ..
ڈپٹی کمشنر لیاقت علی کاکڑ کا ڈسٹرکٹ ہیڈ کوارٹرہسپتال زیارت کا دورہ مختلف شعبوں کا معائنہ کیا
ض*زیارت، ڈپٹی کمشنر زیارت لیاقت علی کاکڑ کے اعزاز میں ویلکم پارٹی کا انعقاد
ضلع زیارت کیڈسٹرکٹ کونسل کے ممبرز کا ترقیاتی فنڈ کے حوالے سے اجلاس کا انعقاد
زیارت سے متعلقہ
پاکستان کی تازہ ترین خبریں
-
سینٹ میں کے پی کی نشستیں مکمل نہیں ہوئیں ،معاملہ سپریم کورٹ میں ہے، وزیرقانون
-
وقت آگیا ہے کہ ملک کو اس نہج سے نکالنے کیلئے ہمیں بہت سی باتیں کرنا پڑیں گی
-
خود کی ٹانگ پرگولی مارکر 50 لاکھ چھن جانے کا ڈرامہ کرنیوالا شہری گرفتار
-
بانی پی ٹی آئی نے دبئی لیکس میں شامل افراد کی منی ٹریل کا مطالبہ کیا ہے، بیرسٹر گوہر
-
چند افراد آئینی حدود کو پار کر رہے ہیں، اسد قیصر
-
شہبازشریف (کل) صدرابراہیم رئیسی کی نمازجنازہ میں شرکت کیلئے ایران روانہ ہوں گے
-
نیٹ میٹرنگ بند کرنے کیلئے کوئی ہدایت جاری نہیں کی گئی، وزیر توانائی
-
راؤف حسن پر بلیڈ سے ان کی گردن کاٹنے کیلئے حملہ کیا گیا
-
پیڈمک ، فیڈمک سمیت دیگر بورڈ تبدیل ، وزیراعلیٰ مریم نوازشریف کی مخلص پروفیشنلز کو شامل کرنے کی ہدایت
-
رئوف حسن کے ساتھ اگرکوئی واقعہ پیش آیا ہےتو وہ اس کی رپورٹ درج کرائیں، قانون کے مطابق کارروائی ہوگی، اعظم نذیرتارڑ
-
پاکستان اور چین کے تعلقات ہمیشہ مضبوط رہے ہیں ، صدر
-
سندھ اور پنجاب میں 22 سے 24 مئی کے دوران دن کا درجہ حرارت معمول سے 04 سے 06 ڈگری سینٹی گریڈ زیادہ رہنے کا امکان