Shaoor Hayat Ka Shair - Hayat Abdullah - Article No. 2526

ان خوب صورت اور دلوں کو موہ لینے والے اشعار کے خالق معروف و ممتاز شاعر حیات عبداللہ ہیں۔ ان کے اشعار میں تاثیر و گداز ، والہانہ وارفتگی اور وجد و آہنگ کا جو رنگ ملتا ہے یہ ہر شاعر کا خاصہ اور وصف نہیں ہوتا ۔ بلاشبہ قدرت جب کسی شخصیت پر مہربان ہوتی ہے تو اسے علم و دانش سے نواز دیتی ہے ۔ حیات عبداللہ بھی انہیں شخصیات میں سے ایک ہیں۔
حیات عبداللہ کی سب سے بڑی خوبی یہ ہے کہ وہ جتنے عمدہ شاعر ہیں اتنے ہی اچھے اور منجھے ہوئے نثر نگار بھی ہیں ۔

(جاری ہے)

آپ نثر کے میدان میں بھی اپنی بے نظیر صلاحیتوں کا لوہا منوا چکے ہیں۔حال ہی میں ''اندھیروں کا تعاقب''کے نام سے ان کی پہلی کتاب منظر عام پر آئی ۔ یہ مختلف قومی اخبارات کے لیے لکھے گئے ان کے کالموں کا مجموعہ ہے۔ کتاب کے سرورق پر قومی ہیرو مایہ ناز ایٹمی سائنسدان اور محسن پاکستان ڈاکٹر عبدالقدیر خان رقم طراز ہیں ''جناب حیات عبداللہ کے قلم کی کاٹ حساس طبیعت لوگوں کو گھائل کر جاتی ہے، دراصل یہ اندھیروں کا نہیں روشنی کا سفر ہے جس سے اندھیرے دم بخود اِدھر اُدھر بھاگتے پھرتے ہیں ! بعض کئی ذومعنی جملے بھی پڑھنے کو ملتے ہیں۔ گویا حیات عبداللہ کے مضامین تحریری جہاد اور قلمی تیغ ہیں"۔
کائنات علم و ادب میں اپنے نام اور شہرت کا ڈنکا بجانے والے شاعر کا اصل نام محمد حیات ہے ۔ آپ 4مئی 1967ءء کو ضلع لودھراں کی تحصیل کہروڑ پکا کے ایک مضافاتی گاؤں ''امیر پور سادات''میں سخاوت علی کے ہاں پیدا ہوئے۔ ابتدائی تعلیم گورنمنٹ مڈل سکول امیر پور سادات سے حاصل کی ۔ میٹرک کا امتحان گورنمنٹ ہائی سکول کہروڑ پکا سے امتیازی نمبروں میں پاس کیا ۔ گورنمنٹ اسلامیہ ڈگری کالج خانیوال سے ایف۔ اے کیا ۔ بہاؤالدین زکریا یونیورسٹی ملتان سے بی ۔ اے ، ایم ۔اے سیاسیات جب کہ اسلامیہ یونیورسٹی بہاولپور سے ایم ۔ اے اردو ، اقبالیات اور ایم ۔ ایڈ کی ڈگری حاصل کی ۔ شعر کہنے کی ابتداء زمانہ طالب علمی سے کی ۔ لاہور سے تعلق رکھنے والے صدارتی ایوارڈ یافتہ نعت گو شاعر ''علیم ناصری ''سے باقاعدہ طور پر شاعری کے فن و رموز کے حوالے سے اصلاح لیتے رہے۔
حیات عبداللہ شعری پیرائے میں دلکش اور دل آویز مضمون باندھنے کے ہنر سے بخوبی آشنا ہیں۔ ان کا شعری اظہاریہ جہاں عشق و محبت کے دل سوز تذکرہ سے معمور ہوتا ہے وہاں وہ اپنے اشعار میں چونکا دینے والی فکر کے ساتھ ، ساتھ امید ، بہار اورزیست و حیات کی رعنائیوں کا ذکر بھی نمایاں انداز میں کرتے ہیں۔
اشعار میں حد درجہ بے تکلفی برتنے کے باوجود ان کے الفاظ اس تزئین و ترتیب کے ساتھ غزل میں اپنا حسن و جمال جمائے ہوئے ہوتے ہیں کہ قاری سرشاری و لطافت کے مزے لیتا ہے ۔ ان کی یہ غزل ملاحظہ فرمائیں:
حیات عبداللہ اپنا تخلیقی سفر نہایت برق رفتاری کے ساتھ جاری و ساری رکھے ہوئے ہیں ۔ دعا ہے کہ وہ یوں ہی علم و سخن کے گلشن کو اپنی وسیع، تازہ و جواں فکر کی تابانیوں سے مہکاتے اور نمو دیتے رہیں۔
ٓآپ کے ان خوب صورت نعتیہ اشعار کے ساتھ اختتام ۔