مسلم لیگ (ن) پاکستان کو حقیقی جمہوریت کی منزل سے ہمکنار کرنے کیلئے اپنا کردار اور جدوجہد جاری رکھے گی،نواز شریف کا اجلاس سے خطاب
ہفتہ 10 جنوری 2009 19:59
(جاری ہے)
پاکستان میں جمہوریت ابھی تک مکمل طور پر بحال نہیں ہوئی کیونکہ ابھی تک مشرف دور کی عدلیہ ، قانون اور پالیسیوں موجود ہیں۔
مسلم لیگ (ن) پاکستان کو حقیقی جمہوریت کی منزل سے ہمکنار کرنے کیلئے اپنا کردار اور جدوجہد جاری رکھے گی۔ انہوں نے کہا کہ پاکستان میں سماجی انصاف پر مبنی اقتصادی نظام اور قانون کی حکمرانی پر مبنی عادلانہ نظام کے بغیر ہم نہ تو ترقی کر سکتے ہیں اور نہ ہی جمہوریت کی بنیادیں مضبوط کر سکتے ہیں۔ میثاق جمہوریت پاکستان کو حقیقی جمہوریت اور سماجی انصاف کے ایجنڈے پر گامزن کرنے کیلئے تاریخی دستاویز ہے جس پر میں نے محترمہ بے نظیر بھٹو صاحبہ کے ساتھ ملکر دستخط کیے تھے اور پاکستان کے سیاسی نظام کو میثاق جمہوریت کی روشنی میں ڈھالنا ہمارا مشترکہ خواب تھا۔ ہمیں امید ہے کہ پیپلز پارٹی اور دیگر جماعتوں کی قیادت کے ساتھ ملکر ہم مشترکہ طور پر 17 ویں ترمیم کا خاتمہ کرنے میں کامیاب ہو جائیں گے کیونکہ جمہوریت کی مضبوطی کیلئے اس کے خاتمے پر تمام جمہوری قوتوں کا اتفاق ہے۔ انہو ں نے کہا کہ پاکستانی قومی یہ حق رکھتی ہے کہ وہ دنیا کے سامنے کامیاب جمہوریت کا نمونہ پیش کر سکے مگر پاکستان میں غیر جمہوری قوتوں نے اس خواب کو شرمندہ تعبیر نہیں ہونے دیا۔انہوں نے کہا کہ مسلم لیگ (ن) کی اصولی جدوجہد کی وجہ سے آج اسے ملک کی مقبول ترین جماعت بننے کا شرف حاصل ہوا ہے۔ یہ کامیابی ان لاکھوں کارکنوں کی مرہون منت ہے جنہوں نے آمریت کے سامنے جھکنے سے انکار کیا اور اصولوں اور اپنی جماعت کی وابستگی کی خاطر بڑی سے بڑی قربانی دینے سے بھی دریغ نہیں کیا۔ انہوں نے کہا کہ مشرف حکومت کی مسلم لیگ (ن) کے خلاف پالیسیوں نے پارٹی کو گزشتہ انتخاب میں برابری کے مواقع فراہم نہیں کیے جس کی وجہ سے پارٹی کی کارکردگی چھوٹے صوبوں میں مثالی نہیں رہی لیکن مسلم لیگ ن کو تمام صوبوں میں مقبولیت حاصل ہے اور اس مقصد کیلئے جہاں تنظیمی کمزوری موجود ہے اسے فوری طور پر دور کیاجائے۔ اجلاس میں مسلم لیگ ن کی رکن سازی اور تنظیم سازی کے حوالے سے مختلف تجاویز پر غور کیا گیا اور ان تجاویز کو حتمی شکل دینے کیلئے مسلم لیگ ن کے سیکرٹری اطلاعات احسن اقبال کی سربراہی میں ٹاسک فورس تشکیل دی گئی جو 22 جنوری کو پارٹی کی رکن سازی اور تنظیم سازی کے حوالے سے پلان آف ایکشن مرکزی مجلس عاملہ کے اجلاس میں منظوری کیلئے پیش کریں گے۔ اجلاس میں شہباز شریف، اقبال ظفر جھگڑا، سرتاج عزیز، احسن اقبال، خواجہ سعد رفیق، میاں جاوید لطیف، راناثناء اللہ، حمزہ شہباز، راجہ افضل، سردار ذوالفقار کھوسہ، راجہ اشفاق سرور، مخدوم شاہ نواز اور دیگر رہنماء شریک ہوئے۔ مسلم لیگ ن کی مرکزی مجلس عاملہ کا اجلاس 22 جنوری کو اسلام آباد میں صبح 10 بجے طلب کیاگیا ہے جس میں پارٹی کی رکن سازی کے علاوہ ملکی سیاسی صورتحال پر غور کیا جائے گا۔متعلقہ عنوان :
مزید اہم خبریں
-
لندن میں تلوار سے حملہ، پانچ افراد زخمی
-
رفح پر حملہ ہر حال میں کیا جائے گا، نیتن یاہو
-
جسٹس منصور علی شاہ اور جسٹس اطہر من اللہ کا مداخلت نہ ہونے کا اعتراف
-
وزیر اعظم کے دورہ سعودی عرب کے دوران سرمایہ کاری کا کوئی معاہدہ نہ ہونے کا انکشاف
-
فرٹیلائزر کمپنیوں نے یوریا کھاد کی قیمتوں میں حالیہ اضافہ واپس لینے کے لیے وقت مانگا،فرٹیلائزر کمپنیوں نے 3 دن کا وقت مانگ لیا
-
خفیہ ایجنسیوں نے سیاسی مقدمات میں اپنی مرضی کے فیصلوں کیلئے مداخلت کی
-
گوگل پلے اسٹور پر مشکوک اور غیر محفوظ اینڈرائیڈ ایپلی کیشنز موجود ہونے کا انکشاف
-
ایل پی جی کے صارفین کے لیے خوشی کی خبر، مئی کے لیے ایل پی جی کی قیمتوں میں کمی کردی گئی
-
رانا ثنا اللہ کو وفاق میں اہم ذمہ داری دیئے جانے کا امکان
-
ایف بی آر کی تاجر دوست اسکیم مطلوبہ نتائج حاصل کرنے میں ناکام ہوگئی
-
اسٹاک مارکیٹ میں مسلسل دوسرے دن بدترین مندی
-
گورنرپنجاب بلیغ الرحمن سے کرغزستان کے اعزازی قونصل مہرکاشف یونس کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.