اشیائے ضروریہ کے معیار پر کسی صورت سمجھوتہ نہیں کیا جائے گا‘ وزیر خوراک پنجاب،سہولت و سستے بازاروں کو صارفین کے لئے پرکشش بنا دیا گیا ہے‘ بلال یاسین
اتوار 13 اپریل 2014 17:11
لاہور(اُردو پوائنٹ اخبار تازہ ترین۔13اپریل۔2014ء) صوبائی وزیر خوراک و چیئرمین کابینہ پرائس کنٹرول کمیٹی پنجاب بلال یاسین نے کہا ہے کہ حکومتی اقدامات کی بدولت سہولت و سستے بازاروں میں اشیائے ضروریہ کی کوالٹی، صارفین کی سیکورٹی اور صاف ستھرائی جیسی سہولیات صارفین کے لئے کشش کا باعث بنی ہیں- اب صارفین کی زیادہ تر توجہ سہولت و سستے بازاروں کی جانب ہے-یہ بات انہوں نے شادمان سہولت بازار کے دورہ کے دوران خریداروں سے گفتگو کرتے ہوئے کہی- انہوں نے بتایا کہ سہولت بازاروں میں صفائی ستھرائی کا خاص انتظام کیا جاتا ہے اور اشیائے خورد و نوش ایک ہی بازار سے سستے داموں دستیاب ہیں- اس دوران بلال یاسین نے ڈینگی کاؤنٹر کا بھی دورہ کیا اور صارفین میں انسداد ڈینگی آگہی پمفلٹ تقسیم کئے- اس موقع پر صوبائی وزیر نے صحافیوں کے سوالوں کا جواب دیتے ہوئے کہا کہ میڈیا میں آٹے کی قلت بارے خبریں بے بنیاد ہیں جبکہ اوپن مارکیٹ میں حکومت کے مقرر کردہ نرخ 785 روپے فی 20 کلوگرام آٹے کا تھیلہ وافر مقدار میں موجود ہے- انہوں نے کہا کہ صوبہ بھر کے اضلاع میں ہفتہ میں تین دن سہولت، سستے اور اتوار بازاروں میں 765 روپے 20 کلوگرام آٹے کا تھیلہ ایکس ملز ریٹ پر فروخت ہو رہا ہے - انہوں نے بتایا کہ ہر سستے، سہولت اور اتوار بازار میں تین تین ٹرک آٹے کے موجود ہیں- جہاں پر آٹا وافر مقدار میں فروخت ہو رہا ہے- بلال یاسین نے بتایا کہ حکومت مارکیٹ میں آٹے کی مصنوعی قلت کسی صورت برداشت نہیں کرے گی اور ذخیرہ اندوزوں کا مکمل محاسبہ کیا جائے گا- انہوں نے کہا کہ 2014 ء گندم خریداری کے عمل میں شفافیت کو ملحوظ خاطر رکھا گیا ہے جس کا مقصد محکمہ کی جانب سے گندم خریداری ٹارگٹ کو حاصل کرنا بھی ہے اور اس ضمن میں عملہ خوراک کی ذرا سی بھی غفلت یا کوتاہی برداشت نہیں کی جائے گی-
متعلقہ عنوان :
مزید قومی خبریں
-
ڈاکٹرطاہرالقادری کا درسِ بخاری ،زوم لنک پر 20ہزار علماء کی شرکت
-
وزیر اعلیٰ سندھ کی زیر صدارت سندھ سوشل پروٹیکشن بورڈ کا پہلا اجلاس ، فوڈ سیکیورٹی-بھوک مٹاؤ پروگرام اور بے نظیر ویمن ایگریکلچر ورکرز سپورٹ پروگرام کی فزیبلٹی اسٹڈیز کی منظوری دیدی
-
وزارتوں میں ٹیکنوکریٹس کی تعیناتی دو کشتیوں میں سوار ہونے کے مترادف ہے اور دو کشتیوں کا سوار ہمیشہ ڈوبتا ہے، خورشید شاہ
-
لگتا ہے 9 مئی محسن نقوی، آئی جی پنجاب کا کیا دھرا ہے، اسد قیصر کا تحقیقات کیلئے جو ڈیشل کمیشن کا مطالبہ
-
رؤف حسن ان معاملات پر بھی ترجمان بن جاتے ہیں جن کا ان سے کوئی لینا دینا نہیں،شیر افضل
-
اسحاق ڈار کو ڈپٹی وزیراعظم بنانا اسٹیبلشمنٹ کیلئے کوئی پیغام نہیں،طلال چوہدری
-
وزیر دفاع سے ترکیہ کے بری افواج کے کمانڈر کی ملاقات،عالمی جغرافیائی سیاسی صورتحال پر مشترکہ افہام و تفہیم پر اطمینان کا اظہار
-
اس بارتو اسمبلیاں بیچی ، خریدی گئی، ہارنے والے بھی پریشان، جیتنے والے بھی مطمئن نہیں،مولانا فضل الرحمان
-
موٹروے پولیس نے قانون کی حکمرانی اور ٹریفک ڈسپلن قائم کر کے دکھایا ہے ،وفاقی وزیر مواصلات عبدالعلیم خان
-
وزیراعلی سندھ کا سینئر صحافی ثمر عباس کے بھائی شفقت حسین کے انتقال پراظہار افسوس
-
چلڈرن ہسپتال لاہور میں کڈز ڈے کیئر سنٹر کا افتتاح ،بچوں کا بہت خیال رکھا جائے ، وزیر اعلیٰ پنجاب
-
وزیراعلی خیبر پختونخوا کاکوئلہ کان حادثے میں دو مزدوروں کے جاں بحق ہونے پر اظہارافسوس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.