طالبان شدت پسندوں کے زیر قبضہ علاقے میں غذائی قلت پیدا ہوگئی ہے ، عوام گھاس کھانے پر مجبور ہیں ، آئی سی جی ، پڑوسی ملک پاکستان اپنے ہاں طالبان قیادت کی محفوظ پناہ گاہوں پر کریک ڈاوٴن میں ناکام رہا ہے ،رپورٹ میں دعویٰ ، غیر ملکی فوجیوں کے افغانستان میں رہنے سے بھی خطرہ باقی رہے گا ، انٹرنیشنل کرائسس گروپ
منگل 13 مئی 2014 20:30
کابل(اُردو پوائنٹ اخبار تازہ ترین۔13مئی۔2014ء) شدت پسندی کا شکار افغانستان کے حوالے سے جاری حالیہ رپورٹ میں انکشاف کیا گیا ہے کہ طالبان شدت پسندوں کے زیر قبضہ ایک علاقے میں غذائی قلت اس خوفناک حد تک پہنچ گئی ہے کہ محصور عوام گھاس کھانے پر مجبور ہو گئے ہیں۔انٹرنیشنل کرائسس گروپ(آئی سی جی) کے مطابق امریکا کی زیر قیادت افواج کے انخلا کے ساتھ ہی قبائلیوں جھگڑوں میں اضافہ ہونا شروع ہو گیا اور اس کے ساتھ ساتھ حکومتی فوجی اہلکار بھی لڑ رہے ہیں جبکہ افغان پولیس اور فوج کی جانب لوگوں سے خراب رویہ روا رکھنے کی اطلاعات بھی سامنے آئی ہیں۔
رپورٹ میں کہا گیا کہ پڑوسی ملک پاکستان اپنے ہاں طالبان قیادت کی محفوظ پناہ گاہوں پر کریک ڈاوٴن میں ناکام رہا ہے جہاں سے وہ شدت پسندی کی ہدایات جاری کرتے ہیں۔(جاری ہے)
آئی سی جی نے اپنی رپورٹ میں تفصیل بیان کرتے ہوئے کہا کہ جنوبی صوبے قندھار کے گاوٴں گھورک کا طالبان شدت پسندوں نے مہینوں سے محاصرہ کر رکھا ہے جس کے باعث وہاں خوراک کی شدید قلت ہو گئی ہے۔
ضلع گھورک کے وسط پر ابھی تک حکومتی کنٹرول برقرار ہے تاہم طالبان کی جانب سے روڈ بلاک کیے جانے کے باعث اشیائے خورونوش کی سپلائی رک گئی ہے۔گزشتہ ماہ کیے گئے انٹرویو میں ایک شخص نے ٹیلیفون پر گفتگو میں بتایا تھا کہ حکومتی حمایت یافتہ محصور علاقے میں لوگ گھاس کو ابال کر کھانے پر مجبور ہیں۔کابل میں موجود آئی سی جی کے تجزیہ نگار گریم اسمتھ نے غیر ملکی میڈیا کو بتایا کہ ہم یہاں کے رہائشیوں سے گزشتہ چند سالوں سے بات کرتے آ رہے ہیں۔انہوں نے بتایا کہ ان افراد کو گزشتہ سال بھی اشیائے خورونوش کی سپلائی میں مشکلات کا سامنا تھا۔ گھاس کھانے کے واقعے کے اندازہ ہوتا ہے کہ انہیں سپلائی لائن بند ہونے اور محصور ہونے کے باعث کس حد تک مشکلات کا سامنا کرنا پڑ رہا ہے۔آئی سی جی کی رپورٹ میں کے اختتام میں کہا گیا کہ مجموعی صورتحال یہ ہے کہ افغانستان کے جن علاقوں سے نیٹو افواج نکل چکی ہیں وہاں شدت پسندوں کے حملوں اور دہشت میں اضافہ ہوتا جا رہا ہے۔رپورٹ میں کہا گیا کہ عالمی افواج کی جانب سے حملوں کے خطرات کم ہونے کے ساتھ ہی وہ افغان سیکورٹی فورسز سے ہونے والی دوبدو لڑائی کیلئے جنگجووٴں کو جمع کرتے ہوئے اپنی قوت میں اضافہ کر رہے ہیں۔آئی سی جی کے مطابق حالانکہ غیر ملکی فوجیوں کے افغانستان میں رہنے سے بھی خطرہ باقی رہے گا لیکن ان کی مکمل غیر موجودگی بڑے بحران کا پیش خیمہ ثابت ہو گی۔مزید اہم خبریں
-
بینکس ،مالیاتی ادارے ( کل ) بند رہیں گے
-
ججز خط کیس، سپریم کورٹ کا اسلام آباد ہائیکورٹ کی تجاویز پبلک کرنے کا حکم
-
قرض سے نجات اور معاشی خوشحالی کا دور جلد آئے گا، وزیراعظم
-
بالاکوٹ حملے کے متعلق دنیا سے پہلے پاکستان کو بتایا تھا، مودی
-
نیب نے ایل این جی ریفرنس واپس لے لیا، شاہد خاقان عباسی سمیت تمام ملزمان بری
-
پی ٹی آئی اور مولانا اکٹھے ہو گئے تو حکومت 3، 4 ماہ سے زیادہ نہیں چلے گی، فواد چوہدری
-
اثاثہ جات کیس؛ علی امین گنڈا پور کی الیکشن کمیشن طلبی کا نوٹس معطل
-
یکم مئی سے پٹرولیم مصنوعات کی قیمتوں میں کمی کا امکان
-
پاکستان اور سعودی عرب کا مختلف شعبوں میں تعاون مزید بڑھانے پر اتفاق
-
عدت نکاح کیس، خاور مانیکا نے اپیل سننے والے جج پر عدم اعتماد کا اظہار کردیا
-
بھارت اور پاکستان ایک دن آزاد ہوئے آج وہ سپرپاور بننے کے خواب دیکھ رہا ہے اور ہم دیوالیہ پن کا شکار ہیں
-
گرمیوں میں سردی والا موسم، کئی سیاحتی مقامات پر برفباری سے سردی لوٹ آئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.