سعودی عرب میں مرس وائرس سے مزید پانچ افرادہلاک ہوگئے،ہلاکتوں کی تعداد147ہوگئی،مزید 37کیس سامنے آئے ہیں،سعودی محکمہ صحت،ایک اورامریکی شہری میں بھی مرض کی تصدیق
منگل 13 مئی 2014 23:40
ریاض/واشنگٹن(اُردو پوائنٹ اخبار تازہ ترین۔13مئی۔2014ء) سعودی عرب میں مرس وائر س سے مزید پانچ افرادہلاک ہوگئے جبکہ 37نئے کیسز سامنے آئے ہیں ،ادھر امریکہ میں دوسرے شہری میں مرس وائرس کی تصدیق ہوگئی،غیرملکی خبررساں ادارے کے مطابق گزشتہ روز سعودی عرب کی وزارت صحت نے ایک بیان میں کہاکہ مڈل ایسٹ ریسپائریٹری سینڈروم (مرس) سے سعودی عرب میں ہلاک ہونے والوں کی تعداد 147 تک جا پہنچی ہے، حکام نے اس ہلاکت خیز وبائی مرض سے پانچ مزید اموات کی تصدیق کی ،بیان کے مطابق مغربی شہر جدہ میں مرس سے متاثرہ ایک خاتون اور چارمرد کی دارالحکومت الریاض میں اموات ہوئیں،ان کے علاوہ 37نئے کیس سامنے آئے ہیں،تقریباً دوسال قبل سعودی عرب میں مرس کا وائرس پھیلا تھا، لیکن اب تک یہ دنیا میں اس مہلک وائرس سے متاثرہ سب سے بڑا ملک بن چکا ہے، جہاں491 مریضوں میں اس وائرس کی موجودگی کی تصدیق ہوچکی ہے،جدہ کے شاہ فہد اسپتال کے ڈاکٹروں نے گزشتہ ہفتے انفیکشن کے خطرے کے پیش نظر مرس سے متاثرہ مریضوں کا علاج کرنے سے انکار کردیا تھا،ادھر امریکی محکمہ صحت نے بھی تصدیق کی کہ ان کے دوسرے شہری میں مرس وائر س پایاگیاہے جنہوں نے حال ہی میں سعودی عرب سے لندن اورپھر امریکہ کا سفر کیاہے،حکام کے مطابق وائرس میں مبتلا شہری کو فوری طورپر اسپتال منتقل کردیاگیاتھا اوراب ان کا علاج جاری ہے ،یاد رہے کہ مرس کو 2003ء میں ایشیا میں پھوٹنے والے سارس وائرس سے زیادہ مہلک خیال کیا جاتا ہے تاہم یہ بات پھر بھی اطمینان بخش تھی کہ مرس کا وائرس سارس کے مقابلے میں ایک مریض سے دوسروں میں کم منتقل ہوتا ہے،مرس سے سعودی عرب کے علاوہ فرانس ،جرمنی، اٹلی ،تیونس اور برطانیہ میں ہلاکتیں ہوئی ہیں۔
متعلقہ عنوان :
مزید بین الاقوامی خبریں
-
سعودی عرب، جدہ، مدینہ اور رابغ میں اسکول بند
-
ایلون مسک کی چینی وزیراعظم لی کیانگ سے ملاقات
-
سعودی ولی عہد سے کویتی، عراقی وزیر اعظم کی ملاقات
-
پیاراندھا ہوتا ہے، نوجوان نے روبوٹ سے شادی کرنے کا اعلان کر دیا
-
ٹورنٹو میں یوم خالصہ کی تقریب ،کینیڈین وزیر اعظم جسٹن ٹروڈو نے بھی شرکت کی
-
سعودی ریلوے میں ضوابط کی خلاف ورزیاں، 20 ہزار ریال تک جرمانے کی تجویز
-
وائٹ ہائوس کی میڈیا نمائندگان کیلئے تقریب کے دوران فلسطینیوں کے حق میں مظاہرہ
-
دبئی، 35 ارب ڈالر کی لاگت سے آل مکتوم انٹرنیشنل ایئرپورٹ کی توسیع کا آغاز
-
کیٹ مڈلٹن کی بہن کو جلد ہی رائل ٹائٹل ملنے کا امکان
-
رفح پر امکانی اسرائیلی حملہ ، اسرائیل امریکہ کو اعتماد میں لے گا ، جان کربی
-
برطانیہ، پناہ گزینوں کیخلاف آپریشن آئندہ ہفتے شروع ہوگا
-
ٹک ٹاک کاایک بار پھر امریکا میں اپنی ایپ بیچنے سے انکار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.