ایشین گیمز: حجاب پہننے پر قطر کی باسکٹ بال ٹیم کو روک دیا گیا
جمعرات 25 ستمبر 2014 17:53
انچیون(اُردو پوائنٹ اخبار تازہ ترین۔25ستمبر 2014ء) جنوبی کوریا میں جاری ایشین گیمز کے دوران منتظمین نے قطر کی خواتین باسکٹ بال ٹیم کو حجاب پہننے پر مقابلے میں حصہ لینے سے روک دیا۔ یہ واقعہ بدھ کو پیش آیا جب منگولیا کے ساتھ گروپ میچ کے آغاز پر قطر کی کھلاڑیوں کو حجاب اتارنے کا کہا گیا، تاہم انہوں نے اس سے انکار کر دیا تھا۔
منتظمیں کا کہنا تھا کہ وہ اس معاملے میں بے اختیار ہیں۔ انٹرنیشنل باسکٹ بال فیڈریشن (فیبا) کے قوانین کے مطابق کھلاڑی اسکارف، بالوں میں لگانے والی دیگر اشیاء یا جیولری نہیں پہن سکتے۔
جمعرات یعنی آج نیپال کے خلاف میچ میں بھی جب قطر کی کھلاڑیوں کو اسی صورتحال کا سامنا کرنا پڑا تو قطر کی ویمنز ٹیم نے ایشین گیمز میں اپنے تمام گیمز سے دستبرداری کا اعلان کر دیا۔
(جاری ہے)
قطر
کی نیشنل اولمپک کمیٹی کے ایک رکن نے رائٹرز کو فون پر بتایا کہ 'ہم نے فیصلہ کیا ہے کہ ہم ایشین گیمز کے تحت ہونے والے ویمنز باسکٹ بال مقابلوں میں حصہ نہیں لیں گے'۔قطر
کی جانب سے مقابلوں سے دستبرداری کے اعلان سے قبل نیپال کی ٹیم پندرہ منٹ تک سمسان ورلڈ جمنازیم میں موجود رہی، جہاں وہ آپس میں ہی باسکٹ بال کھیلتی نظر آئی۔حجاب کا معاملے پر اکثر کھیلوں میں مسلمان ایتھلیٹس کو امتیازی سلوک کا نشانہ بنایا جاتا ہے۔
سعودی کھلاڑی جوڈوکا وجڈان علی سراج عبدالرحیم شاہیرکنی بھی 2012 کے لندن اولمپکس گیمز کے دوران اس وقت خبروں کا نشانہ بنیں جب انہوں نے کھیل کے دوران حجاب لینے کا مطالبہ کیا تھا۔
واضح رہے کہ ایشین گیمز میں مقابلوں کا انعقاد کھیلوں کی عالمی گورننگ باڈی کے قوانین کے تحت ہوتا ہے، جن کے تحت ایتھلیٹس کھیل کے دوران حجاب لینے یا نہ لینے میں آزاد ہوتے ہیں۔
قطر
کی مینز ٹیم کے کھلاڑی محمد عبداللہ نے اس سارے معاملے پر دکھ کا اظہار کرتے ہوئے کہا ہے کہ 'اگر آپ ایتھلیٹس ریسٹورنٹ جائیں تو آپ کو وہاں مالدیپ، ایران،پاکستان اور قطر کی بہت سی اتھلیٹس کھلاڑی حجاب میں نظر آئیں گی'۔'لیکن کیا وجہ ہے کہ کچھ خواتین کھلاڑیوں کو تو کھیل میں حصہ لینے کی اجازت ہے لیکن ہماری کھلاڑیوں کو نہیں؟'
دوسری جانب دی اولمپک کونسل آف ایشیا (او اے سی) نے بھی اس سارے معاملے کے حوالے سے اپنے ایک بیان میں کہا ہے کہ ایتھلیٹس کے حقوق کو پہلی ترجیح دینی چاہیے۔
متعلقہ عنوان :
مزید کھیلوں کی خبریں
-
بابر اعظم ایک ہی اوور میں 4 چھکے لگانے کا اعزاز حاصل کرنے میں کامیاب
-
پاکستان نے آئرلینڈ کو باآسانی شکست دے کر سیریز جیت لی
-
بابر اعظم نے ویرات کوہلی کا ٹی ٹونٹی ریکارڈ توڑ دیا
-
لیونل میسی نے سعودیہ پر امریکا کو ترجیح کیوں دی؟
-
ٹیسٹ اسٹیٹس نہ رکھنے والے ملک کے کرکٹر نے آئی سی سی پلیئرآف دی منتھ کا ایوارڈ جیت لیا
-
سیریز جیتنے کیلئے پاکستان کو ہدف مل گیا
-
تیسرا ٹی ٹونٹی ، آئرلینڈ نے پاکستان کو جیت کے لیے بڑا ہدف دیدیا
-
سیریز کا آخری ٹاکرا، پاکستان نے ٹاس جیت لیا
-
آئی سی سی سکیورٹی ہیڈ کی پی سی بی حکام سے چیمپئنز ٹرافی کے منصوبوں پر تبادلہ خیال
-
قومی ہاکی ٹیم (کل ) وزیراعظم کی مہمان بنے گی
-
آسٹریلیا کا پاکستان کے بعد بھارت کیخلاف سیریز میں بھی فین زونز بنانے کا فیصلہ
-
راجستھان رائلز اور پنجاب کنگز کے مابین انڈین پریمیئر لیگ کاواحد میچ کل کھیلا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.