جنرل راحیل شریف حالات کی نزاکت سمجھیں ،ملک سے دہشت گردی کے خاتمے کیلئے بلا امتیاز کارروائی عمل میں لائیں ،صاحبزادہ ابوالخیر محمد زبیر،
فوجی آپریشن کو نواز شریف اور ساتھی ناکام کرنا چاہتے ہیں ،دہشت گردوں کو پکڑنے کی بجائے یارسول اللہ پڑھنے والوں کوگرفتار کیا جارہا ہے، لانگ مارچ کے شرکاء سے خطاب
منگل 17 فروری 2015 22:44
حیدرآباد (اُردو پوائنٹ تازہ ترین اخبار۔ 17فروری 2015ء) جمعیت علماء پاکستان (نورانی)و ملی یکجہتی کونسل کے صدر ڈاکٹر صاحبزادہ ابوالخیر محمد زبیر نے لانگ مارچ کے شرکاء سے بائی پاس حیدرآبادمیں خطاب کرتے ہوئے کہا کہ شکارپور اور پشاورسانحہ کے قاتلوں کو گرفتار کرکے کیفر کردار تک پہنچایا جائے حکومت کی صفوں میں دہشت گردوں کے ایجنٹ موجود ہیں جو فوجی آپریشن کوناکام بنانے کیلئے دہشت گردوں کی سرپرستی کررہے ہیں اور ان کے آلہ کار بنے ہوئے ہیں جو ملک میں فرقہ وارانہ آگ بھڑکانے کیلئے دہشت گردی کا باازرگرم کر کے اپنے مذموم مقاصد پورے کرنا چاہتے ہیں ،جنرل راحیل شریف حالات کی نذاکت کو سمجھیں اور ملک سے دہشت گردی کے خاتمے کیلئے بلا امتیاز کاروائی عمل میں لائیں ،جمعیت علماء پاکستان مظلوم کی حمایت کرنے کیلئے لانگ مارچ میں شریک ہو ئی ہے یہ پوری قوم کا دکھ ہے اور مشترکہ غم ہے پاکستان میں صرف اہل تشعیہہ کا قتل نہیں ہو رہا ،اہلسنت کے علماء ومشائخ کو بھی قتل کیا جارہا ہے، بلوچستان میں اہلسنت کے درجنوں علماء ومشائخ قتل کئے جاچکے ہیں کراچی میں مزارات اور خانقاہوں پر حملے ہو چکے ہیں لاہور میں علماء ومشائخ کو قتل کیاگیا،درود وسلام پڑھنا جرم بنادیا گیا ہے اور50،50لوگوں کے قاتل آزاد گھوم رہے ہیں انہیں کو ئی پکڑنے والا نہیں ہے حکمراں سازش کرکے اس آپریشن کو بھی ناکام کرنا چاہتے ہیں انہوں نے کہا کہ جو لوگ اور ادارے پاکستان سے دہشتگردی کے خاتمے کیلئے نکلیں ہیں وہ اس سازش کو سمجھیں جو لوگ معصوم اور بیگناہ لوگوں کو مار کر دہشت گردی کا بازار گرم رہے ہیں،انصاف کے ساتھ عدل کے مطابق جو بھی کوئی مجرم ہے بلا امتیاز اس کے خلاف کاروائی کر کے سولی پر لٹکایا جائے انشاء اللہ دوسرے دن امن قائم ہو جائے گالیکن اگر حکمرانوں کے تعلقات ان دہشت گردوں سے قائم رہے تو یہ فوجی آپریشن مذاق بن کر رہ جائے گاانہوں نے کہا کہ فوجی آپریشن کو نواز شریف اور ان کے ساتھی ناکام کرنا چاہتے ہیں دہشت گردوں کو پکڑنے کی بجائے یارسول اللہ پڑھنے والوں کو دہشت گردی ایکٹ میں درود سلام پڑھنے پر پکڑا جارہا ہے داعش جیسی دہشت گرد تنظیم پاکستان میں آگئی ہے اور ہمارے وزیر داخلہ کہتے ہیں داعش کا وجود ہی نہیں ہے گلی چوکوں میں چاکنگ ہورہی ہے اس کی ممبرسازی ہورہی ہے، حکمراں خود دہشت گردوں سے ملے ہوئے ہیں اور ان کے آلہ کار ہیں ان سے نجات حاصل کرنے کیلئے ہمیں بھرپور قوت کے ساتھ جدوجہد کرنے کی ضرورت ہے تاکہ ان ظالموں سے ہمیں نجات ملے اور ملک میں امن قائم ہوہم شہداء کے خون کا بدلہ لیں گیانہوں نے کہا کہ حکمرانون نے قاتلوں کو کھلی چھوٹ دی رہی ہے بھتہ خوروں کو کوئی پوچھنے والا نہیں میں نے خود نوازشریف سے ملاقات میں ان سے کہا کہ آپ دہشت گردوں کو کیا پکڑیں گے آپ کی حکومت خود دہشت گردوں کی سرپرستی کررہی ہے ،آپ کے دائیں ،بائیں بیٹھے ہوئے لوگ دہشت گردوں کو سپورٹ کررہے ہیں انہیں فنڈز فراہم کررہے ہیںآ پ ان کے خلاف کیا آپریشن کریں گے جب حکمراں خود دہشت گردوں سے ملے ہوئے ہوں اور ان کے آلہ کاربن جائیں تو پھر ان ظالم حکمرانوں سے سے نجات حاصل کرنے کیلئے ہمیں بھرپور قوت کے ساتھ جدوجہد کرنے کی ضرورت ہے تاکہ ان ظالموں سے نجات ملے اور ملک میں امن قائم ہو۔
(جاری ہے)
؎
متعلقہ عنوان :
مزید اہم خبریں
-
بھارت اور پاکستان ایک دن آزاد ہوئے آج وہ سپرپاور بننے کے خواب دیکھ رہا ہے اور ہم دیوالیہ پن کا شکار ہیں
-
گرمیوں میں سردی والا موسم، کئی سیاحتی مقامات پر برفباری سے سردی لوٹ آئی
-
خیبرپختونخواہ میں بلدیاتی ضمنی الیکشن، تحریک انصاف کلین سوئپ کرنے میں کامیاب
-
مرغی کے گوشت کی قیمت 1200 روپے کی ہوشربا سطح تک پہنچ گئی
-
نوازشریف کے پارٹی صدر بننے کا مطلب مزاحمتی بیانیہ نہیں ہے
-
موبائل ایپ پاک حج سے تمام انتظامات پیپر لیس کر دیے ، رہنمائی اور شکایات مکمل آٹومیٹ ہونگی
-
آرمی چیف سے ترک کمانڈر جنرل کی ملاقات، دفاعی تعلقات مضبوط بنانے کا عزم
-
آرمی چیف جنرل سید عاصم منیر سے ترک بری افواج کے کمانڈر جنرل سیلکوک بیریکتر اوغلو کی ملاقا ت، باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال
-
آرامکو نے گو پٹرولیم کے 40 فیصد حصص کا حصول کر لیا
-
صدر آصف علی زرداری نی ترک بری افواج کے کمانڈر ،جنرل سیلکوک بایراکتار اوغلو کو نشان پاکستان (ملٹری) سے نوازا
-
غزہ میں مستقل امن قائم کیے بغیر دنیا میں امن قائم نہیں ہو سکتا ، شہبازشریف
-
آئی ایم ایف نے پاکستان کیلئے 1.1 ارب ڈالر قسط کی منظوری دے دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.