ھنگو،پولیس کا سرچ آپریشن ،ایک سال قبل تین اساتذہ کے قتل میں ملوث قاتل سمیت 6مشتبہ افراد گرفتار بھاری اسلحہ برآمد

بدھ 8 اپریل 2015 22:25

ھنگو(اُردو پوائنٹ اخبار تازہ ترین۔08 اپریل۔2015ء ) پولیس کا سرچ آپریشن ،ایک سال قبل تین اساتذہ کے قتل میں ملوث قاتل سمیت 6مشتبہ افراد گرفتار بھاری اسلحہ برآمد ، اس حوالے سے ایس ایچ او تھانہ سٹی ھنگو امجد حسین نے گرفتار ملزمان اور برآمد کیا گیا اسلحہ میڈیا کو دکھاتے ہوئے کہا کہ ہم نے علاقہ دربند اور افغان مہاجر کیمپ لختی بانڈہ پر چھاپے کے دوران ۱یک سا ل قبل ھنگو کے علاقہ کچ بانڈہ میں تین سکول اساتذہ کے قتل میں نامزد ملزم کمال عرف کمالے افغان مہاجر سمیت 5مشتبہ افغان مہاجرین کو گرفتار کرلئے ہیں جبکہ علاقہ دربند میں چھاپے کے دوران ھنگو پولیس کو 302اغواء ،ڈکیتی اور دہشت گردی کے مقدمات میں مطلوب خطرناک ملزم احمد سعید کو بھی گرفتار کر لیا ہے جن کے قبضے سے 2عدد ریپیٹر 3عدد کلاشنکوف 3عدد 30بور پستول ایک عدد خنجر 6عدد میگزین اور سینکڑوں مختلف بور کے کارتوس برآمد کر لئے ہیں ایس ایچ او نے بتایا کہ ملزم کمال عرف کمالے ایک سال قبل علاقہ کچ بانڈہ میں ڈیوٹی کے دوران فائرنگ سے تین اساتذہ کے قتل میں ایف آئی آر میں نامزد کیا گیا تھا اس وقت سے یہ مفرور تھا ۔