3 مئی کوگستاخانہ خاکوں کی نمائش اعلانیہ دہشت گردی ہے، شاہ اویس نورانی
آزاد ی اظہار کے نام پر مذاہب کے درمیان نفرت بڑھائی جا رہی ہے،رہنما ء جمعیت علماء پاکستان
منگل 28 اپریل 2015 18:08
کراچی (اُردو پوائنٹ اخبار تازہ ترین۔ 28اپریل۔2015ء) جمعیت علماء پاکستان کے مرکزی سیکرٹری جنرل اور مرکزی جماعت اہل سنت کے نگران اعلیٰ شاہ محمد اویس نورانی صدیقی نے کہا ہے کہ دشمنان اسلام اور شرپسند عالمی سامراج نے ایک بار پھر دنیا بھر کے مسلمانوں کو اشتعال دلانے کیلئے اور عالمی امن کو سبوتاژ کرنے کی جسارت کی ہے، ۳ مئی کے دن ایک بار پھر گستاخانہ خاکے بنا کر دنیا بھر میں مسلمانوں کو مجبور کیا جا رہا ہے کہ مسلمان امن اور صبر کے دامن کو چھوڑ اپنے نبی کریمﷺ کی حرمت کے دفاع کے لئے عالمی سامراج اور شرپسند عناصر کو جواب دیں، آزادی اظہار ہر انسان کا بنیادی حق ہے مگر یہ کیسا اظہار ہے جس سے دنیا کے دوسرے سب سے بڑے مذہب کے پیروکاروں کو اشتعال دلایا جائے اور ان کے جذبات کے ساتھ کھیلا جائے، گستاخانہ خاکوں سے دنیا بھر میں تمام مذاہب کے درمیان کشیدگی بڑھے گی، آزادی اظہار کے نام پر انبیاء، صحابہ، اور محترم ہستیوں کی ذات پر کیچر اچھالنا اور انہیں برا بھلا کہنا کسی بھی مذہب میں درست نہیں ہے، جمعیت علماء پاکستان کے مرکزی سیکرٹری جنرل اور مرکزی جماعت اہل سنت کے نگران اعلیٰ شاہ محمد اویس نورانی صدیقی نے جے یو پی کراچی ڈویژن کے ارکان اور علماء سے ملاقات کے دوران کہا ہے کہ پاکستان کو عالمی سطح پر اس مذموم عمل اور سازش کے خلاف بھرپور احتجاج کرنا چاہیے اور او آئی سی کو اس بارے میں فعال بنانا چاہیے، تاکہ اس معاملے کو عالمی سطح پر اٹھایا جا سکے، جمعیت علماء پاکستان کے تحت ملک گیر تحفظ ناموس رسالتﷺ مہم چلائی جائے گی، علماء اور دانشوروں پر بھاری ذمہ داری عائد ہوتی ہے کہ وہ عوام کے ناموس رسالتﷺ کی اہمیت اور مقام مصطفیﷺ کے حوالے سے ان کے ذہنوں کو پختہ کریں، آپ ﷺ کی ذات کو متنازع بنانے کی کوئی بھی سازش کامیاب نہیں ہونے دینگے، انہوں نے کہا کہ میڈیا کو چاہیے کہ وہ اسلامی شعار، مقام مصطفیﷺ، ناموس رسالتﷺ اور اہم معاملات پر اپنا کردار ادا کرے ۔
مزید اہم خبریں
-
یورپ: وباء اور بچوں میں موٹاپے کے درمیان تعلق پر رپورٹ
-
تارکین وطن کی کشتی الٹنے سے ہلاکتوں پر یو این اداروں کا اظہار افسوس
-
میانمار میں غلط معلومات اور نفرت انگیزی پر یو این کو تشویش
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.