`کمشنر کراچی کی صدارت میں اجلاس ،شہر میں پانی کی فراہمی کی تقسیم کا نظام بہتر بنانے کے انتظامات کا جائزہ `
منگل 30 جون 2015 17:38
کراچی ( اُردو پوائنٹ اخبار تازہ ترین۔ 30 جون۔2015ء) کمشنر کراچی شعیب احمد صدیقی کی صدارت میں ایک اجلاس میں شہر میں پانی کی فراہمی کی تقسیم کا نظام بہتر بنانے کے انتظامات کا جائزہ لیا گیا۔اجلاس میں ایڈیشنل کمشنر کراچی جاوید صبغت اللہ مہر، تمام ڈپٹی کمشنرز اور واٹر اینڈ سیوریج بورڈ کے تمام چیف انجینئرز نے شر کت کی۔ اجلاس میں تمام ڈپٹی کمشنرز اور تمام چیف انجینئرزنے اپنے اپنے اضلاع میں پانی کی فراہمی کی صورتحال اور اسے بہتر بنانے کے اقدامات و کوششوں کی تفصیلات سے آگاہ کیا۔
اجلاس میں فیصلہ کیا گیا کہ تمام چیف انجینئرز روزانہ شہر میں تمام پمپوں کی کار کردگی اور اپنے اپنے دائرہ میں شامل پمپنگ اسٹیشنزپر بجلی کی فراہمی اور تیکنکی خرابی کی شکایات کی رپورٹ کمشنر کراچی کو روزانہ دیں گے ۔(جاری ہے)
کمشنر نے کہا کہ پانی کی فراہمی کی تقسیم کا نظام بہتر بنانے پر توجہ دینے کی ضرورت ہے۔ بہتر مینجمنٹ کے ذریعے پانی کی فراہمی بہتر بنایا جا سکتا ہے۔
اجلا س میں فیصلہ کیا گیا کہ تما م پمپس کی فوری مرمت کرنے کے لیے اقدامات کیے جائیں جائیں گے ۔ کمشنرکراچی کو اس سے آگا ہ کیا جائے گا تاکہ اس کی مرمت میں تاخیر کو ختم کی جا سکے اوراس کی وجہ سے پانی کی فراہمی میں پیدا ہونے والی دشواریوں کودور کیا جا ئے گا۔اجلاس کو بتا یا گیا کہ دھابے جی پرڈیز ل کے دو پمپس خراب ہوگئے ہیں۔ ایک پمپ 22 جون سے خراب ہے جبکہ دوسرا پمپ پیر کی رات سے خراب ہے۔ ایک پمپ منگل کو رات تک ٹھیک ہو جائے گا۔ دونوں پمپس خراب ہو نے کی وجہ سے کراچی کے مختلف علاقوں میں پانی کی فراہمی متا ثر ہو گی مجموعی طور پر 40 ملین گیلن پانی روزانہ کا شارٹ فال ہو گا ۔منگل کو ایک پمپ ٹھیک ہونے کے بعد30 ملین گیلن پانی روزانہ کا شارٹ فال ہو گا جو دوسرا پمپ جمعہ تک ٹھیک ہو نے تک جاری رہے گا۔ چیف انجینئرنے بتا یا کہ توقع ہے کہ جمعہ کو پمپ کی مر مت کا کام مکمل ہو جائے گا۔اجلاس میں فیصلہ کیا گیا کہ کمشنر کراچی کی اجازت کے بغیر واٹر بورڈ میں پانی کی فراہمی سے متعلق کسی بھی افسر کو ٹرانسفر نہیں کیا جا ئے گا جو افسران ٹرانسفر ہوئے ہیں ان کے ٹرانسفر آرڈرز کو منسوخ سمجھا جا ئے گا۔اجلا س نے اس بات سے اتفاق کیا کہ پانی کی فراہمی پر مامور افسران کے تبادلے پانی کی فراہمی کی کوششیں متاثر ہوں گی ۔ اس فیصلہ کے بعد چیف انجینئر غلام قادر اور کورنگی میں متعین انجینئر کے ٹرانسفر آرڈر منسوخ سمجھے جائیں گے۔ اجلاس نے فیصلہ کیا کہ دونوں افسران بدستور اپنے عہدوں پر کام کر تے رہیں گے۔ اجلاس میں ڈملوٹی پمپنگ اسٹیشن پر بجلی کی عدم فراہمی کی شکایت کی گئی ۔ اجلا س کو بتا یا گیا کہ ڈملوٹی پمپنگ اسٹیشن پر بار ہ تا تیرہ گھنٹے روزانہ لوڈ شیدنگ ہورہی ہے۔ جبکہ پہلے چا ر گھنٹے بجلی کی لوڈ شیڈنگ ہو تی تھی۔ فیصلہ کیا گیا کہ ڈملوٹی پر بجلی کا تعطل ختم کر نے اور صورتحا ل کا جائزہ لینے کے لیے واٹر بورڈ اور کے الیکڑک کے متعلقہ افسران کا اجلاس منعقد کیا جا ئے گا۔ ایڈیشنل کمشنر ون جاوید صبغت اللہ مہر اس تنازعہ کے حل کے لیے فوری اجلاس منعقد کریں گے اورڈملوٹی پر بجلی کے تعطل کا تنازعہ دور کرکے اس کی کارکردگی پر معمول پر لانے کے اقدامات کریں گے `مزید قومی خبریں
-
ساہیوال،مسجد کے باہر پتھر پر نصب اسماء مبارکہ کی بے حرمتی پر زمیندار گرفتار
-
مہندی اور بارات کے بعد اے ایس پی شہربانو کے ولیمے کی ویڈیو وائرل
-
آن لائن جعلی ادویات کی فروخت کا انکشاف ، ڈاکٹر سمیت 2 ملزمان گرفتارکرلئے گئے
-
میں نے خود کو عوامی رفاہی و فلاحی خدمات کے لئے وقف کر رکھا ہے، ڈاکٹر فردوس عاشق اعوان
-
ٹیکس دہندگان کو سہولیات کی فراہمی اور غریب آدمی کی بہتری کیلئے ٹیکس کے قانون میں تبدیلیاں کی گئی ہیں،بجلی چوری کی روک تھام اور ٹیکس کی ادائیگی ہمارا قومی فرض ہے،وفاقی وزیر قانون و انصاف کی وفاقی ..
-
سپریم کورٹ کے سامنے ماں اور بیٹے کا خود کو زنجیروں سے باندھ کر احتجاج
-
وفاقی وزیر منصوبہ بندی کا پی ایس ڈی پی این ایچ اے کے تحت جاری اور نئے منصوبوں کا جائزہ اجلاس
-
اسلحے کی نمائش کرنے والوں کیخلاف سخت کارروائی ہوگی، شرجیل میمن
-
تمام صوبائی منصوبوں کو پچاس پچاس فیصد شیئرینگ فارمولے کے تحت مکمل کیا جائے گا،وفاقی وزیر پروفیسر احسن اقبال
-
دریائوں اور آبی ذخیروں میں پانی کی صورتحال
-
اینٹی ہیومن ٹریفکنگ سرکل کراچی کی کارروائی ، جعلی اسٹڈی ویزے دینے والااشتہاری گرفتار
-
سرکاری افسر کو ٹریلر سے کچل کر ہلاک کرنے والا ڈرائیور گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.