کراچی میں عید کی خریداری کا گذشتہ دس سالہ ریکارڈ ٹوٹ گیا، عتیق میر
پیر 20 جولائی 2015 18:14
کراچی (اُردو پوائنٹ اخبار تازہ ترین۔ 20 جولائی۔2015ء) آل کراچی تاجر اتحاد کے چیئرمین عتیق میر نے رمضان المبارک میں امن و امان کی بہتر صورتحال پر اطمینان کا اظہار کرتے ہوئے کہا ہے کہ شہر میں امن کی بہار سے عید الفطر پر شہریوں کی خوشیوں کے پھول کھل گئے، کراچی میں عید کی خریداری کا گذشتہ دس سالہ ریکارڈ ٹوٹ گیا، بازاروں میں گہما گہمی، چہل پہل اور رونقیں قابلِ دید رہیں، عوام کے ہجوم بازاروں میں اُمنڈ آئے، فیملی کے ہمراہ خریداری اور تفریح کا بھرپور لطف اٹھایا، بازاروں میں میلے کا سماں پیدا ہوگیا،مردوں عورتوں اور بچوں کے ملبوسات کی خریداری عروج پر رہی، تجارتی مراکز افطار سے سحری تک جگمگاتے رہے، انھوں نے خصوصی طور پر رینجرز اور دیگر حفاظتی اداروں کے ذمے داران کو قابل تحسین انتظامات پر دلی مبارکباد پیش کرتے ہوئے کہا ہے کہ اہلیانِ ِ شہر رونقوں کی صورتمیں رمضان المبارک اور عیدالفطر کے موقع پر امن کی بہار کا پھل کھارہے ہیں، انھوں نے امید ظاہر کی کہ مستقبل میں بھی سیکوریٹی انتظامات میں بہتری رہی تو معاشی حب اور عروس البلاد کراچی کو اس کی حقیقی شناخت واپس مل سکتی ہے، انھوں نے کہا کہ یہ پہلا موقع ہے کہ ماضی میں آخری عشرے میں افطار کے بعد کھلنے والے بازار دوسرے عشرے میں ہی کھلنا شروع ہوگئے جس سے عید کی روائتی خریداری کا باقاعدہ آغاز ہوگیا ،مارکیٹوں میں گہما گہمی سے شہری خوف کے ماحول سے باہر نکل آئے اور رونقیں بحال ہوگئیں، انھوں نے کہا کہ خریداروں کا جوش و جذبہ قابلِ دید تھا، مارکیٹوں میں توقع سے زیادہ رش کے باعث کئی بازاروں میں ٹریفک کے تحت کیئے گئے انتظامات دھرے کے دھرے رہ گئے، پتھاروں کی تعداد میں تین گنا اضافہ اور عارضی طور پر لگائے گئے اسٹالز بھی سج گئے، انھوں نے کہا کہ رواں سال عید سیزن سیل کیلئے تاجروں نے تقریباً 90ارب روپے کی سرمایہ کاری کی تھی جبکہ شہریوں نے 70ارب روپے کی خریداری کی، شہر کے 25مقامات پر 250سے زائد بازار رمضان المبارک کے پہلے عشرے سے ہی کھلنا شروع ہوگئے جس سے عید نائٹ شاپنگ کی رونقیں بحال ہوگئیں، کلفٹن، ڈیفنس، بہادر آباد، طارق روڈ، صدر، اللہ والا مارکیٹ، جامع کلاتھ، جوبلی کلاتھ مارکیٹ، موتن داس، گل پلازہ، لیاقت آباد، حیدری مارکیٹ، ناظم آباد اور دیگر علاقوں کی مارکٹیں خریداروں کی توجہ کا مرکز رہیں،انھوں نے کہا کہ کراچی میں دنیا کا سب سے بڑا عید تہوار منایا جاتا ہے ، مقامی تجارت کے علاوہ عید اور عید کے فوری بعد شادیوں کے سیزن کیلئے 25تا30ارب روپے کا مال ملک کے مختلف شہروں سے منگوایا جاتا ہے جن میں ریڈی میڈ گارمنٹس، کپڑوں پر کڑھائی، جوتے، ہوزری، چوڑیاں، کاسمیٹکس ،فرنیچر، پردے، آرائش کا سامان، ہینڈ میڈ کارپٹ ، خواتین کے پرس،مہندی، مختلف اقسام کا کپڑا،کھلونے، کراکری، آرٹیفیشل جیولری اور دیگر سامان شامل ہے، دو کروڑ سے زائد عوام اپنے وسائل کے مطابق عید الفطر منانے کا اہتمام کرتے ہیں، عید کی خوشیوں میں 80فیصد حصہ عورتوں، نوجوانوں اور بچوں کے اہتمام کا ہوتا ہے،انھوں نے کہا کہ کمتر وسائل اور متوسط طبقے کے افراد کم ازکم 500روپے تا 5000روپے فی کس جبکہ پوش گھرانوں کے افراد اوسطاً 50ہزار روپے تا 1لاکھ روپے فی کس تک خرچ کرتے ہیں،پسماندگی کا شکار30فیصد افراد عید پر نئے کپڑے سلوانے کی سکت نہیں رکھتے، انھوں نے کہا کہ کراچی میں بجلی کی خراب صورتحال سے تاجروں اور خریداروں کیلئے شدید مشکلات پیدا ہوئیں، اکثر خریداروں کو خریداری کیئے بغیر ہی گھر واپس لوٹنا پڑا۔
مزید قومی خبریں
-
فیصل آباد، حوالہ ہنڈی اور غیر قانونی کرنسی ایکسچینج میں ملوث 3 ملزمان گرفتار
-
برصغیر کے عظیم مجاہد ٹیپو سلطان کا225واں یوم شہادت4مئی کو منایا جائے گا
-
ڈاکٹرطاہرالقادری کا درسِ بخاری ،زوم لنک پر 20ہزار علماء کی شرکت
-
وزیر اعلیٰ سندھ کی زیر صدارت سندھ سوشل پروٹیکشن بورڈ کا پہلا اجلاس ، فوڈ سیکیورٹی-بھوک مٹاؤ پروگرام اور بے نظیر ویمن ایگریکلچر ورکرز سپورٹ پروگرام کی فزیبلٹی اسٹڈیز کی منظوری دیدی
-
وزارتوں میں ٹیکنوکریٹس کی تعیناتی دو کشتیوں میں سوار ہونے کے مترادف ہے اور دو کشتیوں کا سوار ہمیشہ ڈوبتا ہے، خورشید شاہ
-
لگتا ہے 9 مئی محسن نقوی، آئی جی پنجاب کا کیا دھرا ہے، اسد قیصر کا تحقیقات کیلئے جو ڈیشل کمیشن کا مطالبہ
-
رؤف حسن ان معاملات پر بھی ترجمان بن جاتے ہیں جن کا ان سے کوئی لینا دینا نہیں،شیر افضل
-
اسحاق ڈار کو ڈپٹی وزیراعظم بنانا اسٹیبلشمنٹ کیلئے کوئی پیغام نہیں،طلال چوہدری
-
وزیر دفاع سے ترکیہ کے بری افواج کے کمانڈر کی ملاقات،عالمی جغرافیائی سیاسی صورتحال پر مشترکہ افہام و تفہیم پر اطمینان کا اظہار
-
اس بارتو اسمبلیاں بیچی ، خریدی گئی، ہارنے والے بھی پریشان، جیتنے والے بھی مطمئن نہیں،مولانا فضل الرحمان
-
موٹروے پولیس نے قانون کی حکمرانی اور ٹریفک ڈسپلن قائم کر کے دکھایا ہے ،وفاقی وزیر مواصلات عبدالعلیم خان
-
وزیراعلی سندھ کا سینئر صحافی ثمر عباس کے بھائی شفقت حسین کے انتقال پراظہار افسوس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.