پنجاب بھر میں ممبران اسمبلی کے لئے فنڈز کی منظوری غیر آئینی اور بلدیاتی انتخابات سے قبل دھاندلی ہے،سید کو ثر عباس
پیر 31 اگست 2015 20:39
راولپنڈی (اُردو پوائنٹ اخبار تازہ ترین۔ 31 اگست۔2015ء ) سی پی ڈی آئی کے پروگرام مینیجر سید کو ثر عباس نے کہا ہے کہ راولپنڈی سمیت پنجاب بھر میں ممبران اسمبلی کے لئے فنڈز کی منظوری غیر آئینی اور بلدیاتی انتخابات سے قبل دھاندلی ہے ، پنجاب بھر کے ممبران اسمبلی کے لئے 7.5 ارب روپے اور راولپنڈی کے ممبران صوبائی اسمبلی کو 350ملین کی گرانٹ پنجاب حکومت کی انتخابات سے قبل دھاندلی کا ذریعہ بنے گا، ممبران اسمبلی کا کام قانون سازی کرنا ہے، گلیاں ، نالیاں ، سڑکیں اور دیگر امور میں ترقیاتی کام کروانا بلدیاتی اداروں کا کام ہے، الیکشن کمیشن اور چیف جسٹس فوری نو ٹس لے کر فنڈز کے اجرا ء پر پابندی عا ئد کریں۔
وہ پیر کو یہاں میڈیا سے گفتگو کر رہے تھے۔(جاری ہے)
انہوں نے کہا کہ بلدیاتی انتخابات سے قبل پنجاب اور وفاقی حکومت کا ممبران اسمبلی کو ترقیاتی فنڈز جاری کرنا حکومت کی بلدیاتی انتخابات میں دھاندلی کی سازش اور غیر آئینی و غیر قانونی اقدام ہے، انھوں نے کہا کہ ممبران اسمبلی کا کام قانون سازی کرنا ہے ، گلیاں ، نا لیاں ، سڑکیں ، تعلیم و صحت کے شعبے میں ترقیاتی اقدامات کرنا بلدیاتی اداروں کا کام ہے جبکہ پنجاب حکومت بلدیاتی انتخابات کروانے اور بلدیاتی اداروں کو مضبوط بنانے کے بجائے ممبران اسمبلی کے ذریعے عوام کو ترقیاتی کاموں کی لالچ دے کر بلدیاتی انتخابات میں دھاندلی کروا رہی ہے ،، راولپنڈی میں ہر ممبر کو 25ملین کے فنڈز کی منظوری کی مذمت کرتے ہیں اور الیکشن کمیشن اور چیف جسٹس آف پاکستان سے فوری نوٹس لے کر ممبران اسمبلی کے تمام ترقیاتی فنڈ ز پر پابندی عائد کرنے کا مطالبہ کرتے ہیں،پنجاب حکومت بلدیاتی اداروں کو مستحکم کرنے کے لئے بلدیاتی نظام کے قانون میں ترمیم کرے اور بلدیاتی اداروں کو فنڈز کی منتقلی میں با اختیار بنائے، پنجاب کا بلدیاتی اداروں کا قانون محض ایک ربر سٹیمپ ہے جبکہ خیبر پختونخواہ کا قانون بلدیاتی اداروں کی اصل روح بحال کرنے میں مدد گار ثابت ہو گا، کہ خیبر پختونخواہ میں ایک طویل مدت کے بعد بلدیاتی اداروں کی بحالی اور تقریبا 40,000 بلدیاتی نمائندوں کی حلف برداری خیبر پختونخواہ حکومت کی بڑی کا میابی اور جمہوریت کی فتح ہے، پنجاب حکومت بھی پختونخواہ کے بلدیا تی نظام کی طرح قانون میں ترمیم کرے اور فنڈز کی منتقلی سمیت دیگر انتظامی امور میں بلدیاتی نمائندوں کو اختیارات دے، بلدیاتی نمائندوں کے اختیارات سے عوام کے مسائل دہلیز تک حل کرنے میں مدد ملے گی، کو ثر عباس نے پنجاب کا بلدیاتی نظام کا قانون مسترد کرتے ہوئے اس میں فوری ترمیم کے ذریعے بلدیاتی اداروں کو با اختیار بنانے کے لئے لائحہ عمل طے کرنے کا مطالبہ کیا ہے۔
متعلقہ عنوان :
مزید اہم خبریں
-
رفح میں انسانی ضروریات زیادہ جبکہ دستیاب امداد انتہائی کم، یو این ادارے
-
جنرل اسمبلی: ہر سال سربرنیکا نسل کُشی کی یاد منانے کی قرارداد منظور
-
رات گئے اسلام آباد میں تحریک انصاف کے مرکزی دفتر پر آپریشن
-
حکومت پنجاب کو کہتا ہوں کہ سڑک بنانے اور مفت آٹا تقسیم کرنے سے ووٹ نہیں ملنا
-
25ارب ڈالر میں 12ارب ڈالر کے معاہدے سعودی عرب کے ساتھ طے ہوگئے ہیں
-
گندم سستی ہونے پر پنجاب بھر میں آٹے، میدے اور سوجی کی قیمتوں میں واضح کمی ہوگئی
-
افریقہ کو سلامتی کونسل میں مستقل رکنیت ملنی چاہیے، گوتیرش
-
میانمار: روہنگیا جانیں بچانے کے لیے ہنگامی اقدامات کا مطالبہ
-
زرمبادلہ ذخائر میں مزید اضافہ ہو گیا
-
کراچی کی مویشی منڈی میں 30 ہزار سے زائد مویشی پہنچ گئے
-
وزیر اعلی مریم نوازشریف کاایئر ایمبولینس جلد شروع کرنے کا حکم،جون تک کی ڈیڈ لائن مقرر
-
ایرانی صدر ابراہیم رئیسی کی تدفین، لاکھوں سوگواروں کی شرکت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.