حلقہ این اے 218 مٹیاری پر الیکشن لڑنے کا مقصد لوگو ں کو مخدوم خاندان کی غلامی سے نجات دلانا ہے، الیکشن میں ہار جیت مقدر کا حصہ ہے
سندھ نیشنل تحریک کے چیئرمین اشرف نوناری کا عوامی اجتماع سے خطاب
ہفتہ 2 جنوری 2016 20:32
حیدرآباد (اُردو پوائنٹ اخبارتازہ ترین - آئی این پی۔02 جنوری۔2016ء) این اے 218 کے امیدوار اور سندھ نیشنل تحریک کے چیئرمین اشرف نوناری نے کہاہے کہ حلقہ این اے 218 مٹیاری پر میرا پی پی پی امیدوار کے سامنے الیکشن لڑنے کا مقصد سالوں سے غلام بنی ہوئی مٹیاری کی عوام کو مخدوم خاندان کی غلامی سے نجات دلانا ہے ، میں واحد قوم پرست امیدوار ہوں جو نہ بکا اور نہ ہی جھکا ہوں ، سندھ کے تمام قوم پرست میرا ساتھ دیں تومیں مخدوم خاندان اور پی پی پی امیدوار کو شکست دؤں گا ۔
وہ ہفتہ کو حلقہ این اے 218 کے گوٹھ کھنڈو اسٹاپ، پلیجانی اسٹیشن اور اڈیرو لعل میں عوامی اجتماع سے خطاب کر رہے تھے ۔(جاری ہے)
انہوں نے کہا کہ الیکشن میں ہار جیت مقدر کا حصہ ہے ،مگر الیکشن میں حکومتی امیدوار اور سالوں سے مٹیاری پر قابض مخدوموں اور جاگیرداروں کے سامنے ڈٹ کے کھڑا ہونا ہی اصل میری کامیابی ہے ،مجھ جیسے مڈل کلاس قوم پرست کارکن کا سروری جماعت کے گدی نشین اور پی پی پی امیدوار کے سامنے کھڑے ہونے سے جاگیرداروں کاغرورمٹی میں مل گیا ہے ،سندھی عوام ہمیشہ کھتی ہے کے جاگیرداروں کے سامنے کوئی کھڑا نہیں ہوتا جس طرح مخدوم خاندان کے سامنے الیکشن میں نے کھڑا ہونے کی جرائت کی ہے ،اسی طرح اب مٹیاری کی عوام 18 جنوری کو مجھے کامیاب کرکے مٹیاری کے بتوں کو گرائے اور انکی غلامی سے نجات حاصل کرے اگر مٹیاری کی عوام نے ایک بار پھر جاگیرداروں اور لٹیروں کو کامیاب کروایا تو ہم سمجھیں گے کے مٹیاری کی عوام نے ایک بار پھر مخدوموں کی غلامی کو قبول کرلیا ہے ،انہوں نے سندھ کے قوم پرستوں (ن) لیگ ،تحریک انصاف سمیت تمام سندھ دوست جماعتوں سے اپیل کی کے وہ سند ھ میں پیری ،مریدی اور جاگیرداری نظام کے خاتمے کیلئے این اے 218 مٹیاری پر میری حمایت کریں اور عملی طور پر میرا ساتھ دیں تاکہ 18 جنوری کو ہونے والی الیکشن مین پیپلزپارٹی اور مخدوم خاندان کو تاریخی شکست دیکر سندھ میں سیاسی تبدیلی اور جاگیردارنہ نظام کے خاتمے کا آغاز کریں،عوامی اجتماع سے رئیس مولابخش خاصخیلی ،عبدالغفور کھوسو،رستم علی سنگراسی، نجیب احمد تھیبو ،شبیر انقلابی ،اختر سندھی ودیگر نے بھی خطاب کیا ۔
متعلقہ عنوان :
مزید اہم خبریں
-
یورپ: وباء اور بچوں میں موٹاپے کے درمیان تعلق پر رپورٹ
-
تارکین وطن کی کشتی الٹنے سے ہلاکتوں پر یو این اداروں کا اظہار افسوس
-
میانمار میں غلط معلومات اور نفرت انگیزی پر یو این کو تشویش
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.