میرٹ پر ملازمت سب پاکستانیوں کا برابر کا حق ہے، میرٹ کے کلچر کو فروغ دیا ہے، وفاقی وزیر اطلاعات
ریڈیو پاکستان میں نئے آنیوالے افراد اپنی صلاحیتوں کو پوری طرح بروئے کار لاکرادارہ کی کارکردگی مزید بہتر بنائیں گے،پرویزرشید کاخطاب
بدھ 10 فروری 2016 18:07
اسلام آباد (اُردو پوائنٹ اخبارتازہ ترین - این این آئی۔10 فروری۔2016ء) وزیراطلاعات ونشریات سینیٹر پرویز رشید نے کہا ہے کہ ملک میں میرٹ کی بنیاد پر بھرتیوں کا ریڈیو پاکستان سے آغاز کر دیا گیا ہے اور اس کلچر کو ہم فروغ دیں گے۔ پاکستان براڈکاسٹنگ اکیڈمی میں بدھ کو زیرتربیت سب ایڈیٹر ز ، پروڈیوسرز اور سینئر براڈکاسٹ انجینئرز سے خطاب کرتے ہوئے انہوں نے کہا کہ ریڈیو پاکستان نے ایک غیر جانبدارانہ ادارے کی ذریعے پیشہ وارانہ سٹاف کی بھرتی کر کے اعلیٰ مثال قائم کی۔
وزیراطلاعات نے کہا کہ اداروں میں میرٹ پر بھرتی کی راہ میں سیاسی اثرورسوخ ، ذاتی تعلقات ، دوستی اور رشوت رکاوٹ ہیں۔ لیکن ہم نے ریڈیو پاکستان میں حالیہ بھرتی کیلئے یہ تمام دروازے بند کردیئے۔ شفاف بھرتی کے عمل کی تکمیل پر ہمار ے وزراء ، ممبران قومی اسمبلی اور سینٹ نے مبارک باد دی اور اس عمل کو سراہا۔(جاری ہے)
وزیراطلاعات ونشریات نے کہا کہ روزگار کے مواقع پر سیاسی ، علاقائی، مذہبی اور دیگر وابستگیوں کے بغیر تمام پاکستانیوں کا حق ہے۔
انہوں نے اس اعتما د کا اظہار کیا کہ ریڈیو پاکستان میں نئے آنے والے افراد اپنی صلاحیتوں کو پوری طرح بروئے کار لاتے ہوئے ادارہ کی کارکردگی مزید بہتر بنائیں گے۔ انہوں نے ڈائریکٹر جنرل اور ریڈیو پاکستان انتظامیہ کی کاوشوں کو سراہا کہ انہوں نے بھرتیوں کیلئے شفاف طریقہ کار وضع کیا۔اپنے خطاب میں ڈائریکٹر جنرل سید محمد عمران گردیزی نے کہا کہ ریڈیو پاکستان میں شفاف بھرتیوں سے اسکی پیشہ وارانہ صلاحیت میں اضافہ ہوگا۔ ہم نے نئے پیشہ وارانہ سٹاف کی اعلی ٰ تربیت کیلئے چھ ماہ کا تربیتی پروگرام بنایا۔ اس مقصد کیلئے بہترین براڈکاسٹرز اور دوسرے متعلقہ شعبوں کے ماہرین کی خدمات حاصل کی گئیں۔ ڈائریکٹر جنرل نے کہا کہ ادارے میں میرٹ پر بھرتی وزیراطلاعات کی رہنمائی اور سرپرستی کے بغیرممکن نہ تھی۔ ہم فخر سے کہہ سکتے ہیں کہ یہ ریڈیو پاکستان کا نیاچہرہ ہے۔ انہوں نے زیرتربیت آفیسرز سے کہا کہ انہیں اس بات پر فخر کرنا چاہیے کہ وہ اب ملک کے سب سے بڑے براڈکاسٹنگ کے ادارے سے منسلک ہیں۔اکیڈمی کے پرنسپل خالد وقار نے بتایا کہ ریڈیو پاکستان کی اکیڈمی جنوبی ایشاء کی بہترین اکیڈمی ہے۔ براڈکاسٹنگ کے دوسرے ادارے بھی اپنے پیشہ وارانہ سٹاف کی تربیت کیلئے ہماری خدمات حاصل کر رہے ہیں۔اس موقع پر نئے پروڈیوسرز اور سب ایڈیٹرز نے بھی اپنے تاثرات بیان کئے۔متعلقہ عنوان :
مزید اہم خبریں
-
امریکی یونیورسٹیوں میں فلسطینیوں کے حق میں مظاہرے جاری‘احتجاج کرنے والے طلبہ کے ساتھ مذکرات ناکام
-
اسرائیل اور حماس کے درمیان ثالثی کے لیے قطر پر دباﺅ‘تنقید پر دوحہ کا اظہار ناراضگی
-
سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم جاری کردیا
-
سولر سسٹم لگانے کو بڑا جھٹکا‘فی یونٹ 22روپے کی بجائے10روپے یونٹ خریدنے کی تجویزمنظوری کے لیے بجھوادی گئی
-
اسلام آباد میں ریلی نکالنے پر پی ٹی آئی قیادت کیخلاف مقدمہ درج
-
پی ٹی آئی ایک اور 9 مئی کا منصوبہ بنا رہی ہے، فیصل کریم کنڈی کا الزام
-
وزیراعظم محمد شہبازشریف عالمی اقتصادی فورم میں شرکت کے لئے کل سعودی عرب روانہ ہوں گے
-
پاکستان: بلوچستان میں مفاہمت کی پالیسی اورعدم تحفظ کے بڑھتے خدشات
-
وزیراعظم کا کسانوں سے گندم کی فوری خریداری کا حکم
-
وزیر اعظم شہبازعالمی اقتصادی فورم کے خصوصی اجلاس میں شرکت کے لیے کل (ہفتہ) کو سعودی عرب روانہ ہو رہے ہیں، دفترخارجہ
-
چیچہ وطنی،نیا بازار میں واقع گارمنٹس شاپ میں آتشزدگی سے ایک کروڑ سے زائد مالیت کا سامان جل گیا
-
پاکستان، کینیڈا دوطرفہ سیاسی مشاورت کا پانچواں اجلاس ، کینیڈین کمپنیوں کو پاکستان میں توانائی، کان کنی اور آئی ٹی کے شعبوں میں سرمایہ کاری کرنے کی دعوت ، ترجمان دفترخراجہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.