پاناما لیکس ایشو:اپوزیشن کا احتجاج کیلئے کنٹینر ایک بھی ہوسکتا ہے۔سینیٹراعتزاز احسن
حکومت نے ہمارے 6ٹی اوآرز تسلیم نہ کیے تو مذاکرات نہیں ہونگے،پاناما لیکس سے متعلق مخصوص انکوائری کی جائے،پاناما پیپرزکی انکوائری کیلئے ایبٹ آباد یا حمودالرحمان کمیشن کیلئے قانون بنانے کی ضرورت نہیں،پاناما لیکس سے متعلق جو بھی قانون بنایا جائے سب کیلئے یکساں ہو،انکوائری کا آغاز وزیراعظم کے خاندان سے کیا جائے۔متحدہ اپوزیشن کی پریس کانفرنس
ثنااللہ ناگرہ پیر 20 جون 2016 15:44
اسلام آباد(اردوپوائنٹ اخبارتازہ ترین۔20جون۔2016ء) :متحدہ اپوزیشن رہنماؤں نے کہا ہے کہ پاناما لیکس کے ذریعے پاکستان کی معیشت کا خون چوسا گیا اس کیلئے قانون ہونا چاہیے۔جس کا نام پاناما پیپرز میں آیا ہے ان کی تحقیقات ہونی چاہیے۔پیپلزپارٹی کے رہنماء اور ٹی اوآر پارلیمانی کمیٹی کے رکن اعتزاز احسن نے اپوزیشن رہنماؤں کے ہمراہ پریس کانفرنس کرتے ہوئے کہا کہ 3اپریل کو جب پاناما پیپرز کا انکشاف ہوا،تو یہ کسی پارٹی نے نہیں بلکہ باہر سے معاملہ آیا۔
وزیراعظم نے قوم سے خطاب کمیشن بنانے کا اعلان کیا۔چٹھی لکھی جو سپریم کورٹ نے واپس کردی۔انہوں نے کہا کہ ہم نے 15ٹی اوآرز بنائے۔جن کو حکومت کو مسترد کردیا۔وزیراعظم قومی اسمبلی میں خطاب کیا اور پارلیمانی کمیٹی بنائی گئی۔(جاری ہے)
جن کے سامنے ہم نے پھر 15ٹی اوآرز رکھ دیے اور کھلے دل سے ٹی اوآرز کمیٹی میں حصہ لیتے رہے۔اس دوران اجلاسوں میں ہم نے حکومت کے چار میں سے تین ٹی اوآرز مان لیے۔
تیسرا ٹی اوآرز پاناما پیپرز سے متعلق ہے۔جس پر حکومت چاہتی ہے کہ پاناما پیپرز کی تحقیقات نہ ہوں۔انہوں نے کہا کہ ایبٹ آباد واقعہ سمیت 150مقدمات اس کمیشن میں آجائیں تاکہ انکوائری ہی نہ ہوسکے۔انہوں نے کہا کہ اپوزیشن چاہتی ہے کہ پاناما لیکس سے متعلق مخصوص انکوائری کی جائے۔تاکہ غیرقانونی طور پر بیرون ملک منتقل کیے گئے سرمائے سے متعلق انکوائری کی جاسکے۔اس کیلئے ایبٹ آباد یا حمودالرحمان کمیشن کی تحقیقات کیلئے قانون بنانے کی ضرورت نہیں ہے۔اعتزاز احسن نے کہا کہ اگر ہم پیسہ واپس لانا چاہتے ہیں تو جو پیسہ باہر لے کر گیا تو وہ ثبوت پیش کرے۔اگر کسی نے کوئی چیز باہر کے ملک کوئی فلیٹ یا چیز خریدی ہے تو اس کا بھی ثبوت پیش کرنا ہوگا۔انہوں نے کہا کہ ہم کہتے ہیں پاناما لیکس سے متعلق جو بھی قانون بنایا جائے وہ سب کیلئے یکساں ہو۔چھٹی بات یہ ہے انکوائری کا آغاز وزیراعظم کے خاندان سے کیا جائے۔اعتزاز احسن نے کہا کہ ہمارے درمیان بہت سے معاملات میں مطابقت ہے،عمران خان کہتے ہیں کہ ہوسکتا ہے کہ دو کنٹینرز ساتھ ساتھ ہوں۔لیکن میرا خیال ہے کہ کنٹینر ایک بھی ہوسکتا ہے البتہ فیصلہ پارٹی قیادت نے ہی کرنا ہے۔انہوں نے کہا کہ اگر حکومت نے ہمارے 6ٹی اوآرز تسلیم نہ کیے تو مذاکرات نہیں ہونگے۔انہوں نے کہا کہ حکومت کے بعض اراکین سمجھتے ہیں کی اپوزیشن کا مئوقف درست ہے۔مزید اہم خبریں
-
نیب نے ایل این جی ریفرنس واپس لے لیا، شاہد خاقان عباسی سمیت تمام ملزمان بری
-
اثاثہ جات کیس؛ علی امین گنڈا پور کی الیکشن کمیشن طلبی کا نوٹس معطل
-
یکم مئی سے پٹرولیم مصنوعات کی قیمتوں میں کمی کا امکان
-
پاکستان اور سعودی عرب کا مختلف شعبوں میں تعاون مزید بڑھانے پر اتفاق
-
عدت نکاح کیس، خاور مانیکا نے اپیل سننے والے جج پر عدم اعتماد کا اظہار کردیا
-
بھارت اور پاکستان ایک دن آزاد ہوئے آج وہ سپرپاور بننے کے خواب دیکھ رہا ہے اور ہم دیوالیہ پن کا شکار ہیں
-
گرمیوں میں سردی والا موسم، کئی سیاحتی مقامات پر برفباری سے سردی لوٹ آئی
-
خیبرپختونخواہ میں بلدیاتی ضمنی الیکشن، تحریک انصاف کلین سوئپ کرنے میں کامیاب
-
مرغی کے گوشت کی قیمت 1200 روپے کی ہوشربا سطح تک پہنچ گئی
-
نوازشریف کے پارٹی صدر بننے کا مطلب مزاحمتی بیانیہ نہیں ہے
-
موبائل ایپ پاک حج سے تمام انتظامات پیپر لیس کر دیے ، رہنمائی اور شکایات مکمل آٹومیٹ ہونگی
-
آرمی چیف سے ترک کمانڈر جنرل کی ملاقات، دفاعی تعلقات مضبوط بنانے کا عزم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.