ملک میں معاشی استحکام لائے بغیر ترقی یافتہ قومو ں کا مقابلہ نہیں کیا جا سکتا ‘مربوط حکمت عملی کے تحت تاجر برادری کو ضروری وسائل فراہم کیے جا رہے ہیں ‘ گورنر پنجاب رفیق رجوانہ کی وفد سے گفتگو
پیر 18 جولائی 2016 22:16
لاہور(اُردو پوائنٹ اخبارتازہ ترین - آئی این پی۔18 جولائی ۔2016ء) گورنرپنجاب ملک محمد رفیق رجوانہ نے کہا ہے کہ ملک میں معاشی استحکام لائے بغیر ترقی یافتہ قومو ں کا مقابلہ نہیں کیا جا سکتا یہی وجہ ہے کہ ملک کی قیادت کی تمام تر توجہ معیشت کی بہتری اور ترقی پر مبذول ہے ،ایک مربوط حکمت عملی کے تحت تاجر برادری کو ضروری وسائل فراہم کیے جا رہے ہیں تاکہ تجارتی اور کاروباری سرگرمیوں میں تیز ی آئے ، روزگار کے نئے مواقع پیدا ہوں اور عام آدمی کے معیار زندگی میں اضافہ ہو سکے۔
ان خیالات کا اظہار انہوں نے سرگودھا چیمبر آف کامرس اینڈ انڈسٹری کے24 رکنی وفد سے گفت گو کے دوران کیا جنہو ں نے چیمبر کے صدر مختار مرزا کی قیادت میں ان سے ملاقا ت کی۔وفد میں عامر عطا باجوہ،شیخ احسان الہٰی اور شفیق الرحمان شامل تھے۔(جاری ہے)
گورنر پنجاب نے کہاکہ حالیہ بجٹ میں تاجروں کے لیے ریکارڈ مراعات کے اعلان کا مقصد بھی تاجروں کو درپیش مسائل حل کرنا اور انہیں کاروباری سرگرمیوں کو فروغ دینے کی ترغیب دینا ہے۔
انہو ں نے کہا کہ صنعت کو توانائی کی فراہمی کو یقینی بنایا جا رہا ہے جبکہ صنعتی سرگرمیوں کی حوصلہ افزائی کے لیے تمام ضروری وسائل فراہم کیے جا رہے ہیں۔ گورنر پنجاب نے کہا کہ ملک کے تمام چھوٹے بڑے شہروں میں تعلیم ، صحت اور انفراسٹرکچر کی بہتری کے لیے شروع کیے جانے والے بڑے بڑے منصوبوں کی تکمیل سے پاکستان مزید مضبوط ہو کر اْبھر ے گا اور اس کے ثمرات عام آدمی تک پہنچیں گے-گورنر پنجاب نے کہا کہ اگر ہم نے پاکستان کو آگے کی طرف لے کر جانا ہے تو ہمیں صنعتی سرگرمیوں کومزید بڑھانا ہو گا۔ انہو ں نے کہا کہ نجی فیکٹریاں اور صنعتیں عام آدمی کو روزگار فراہم کرنے کا سب سے بڑا ذریعہ ہے کیونکہ جب صنعت کا پہیہ چلتا ہے تو مزدور کے گھر کا چولہا جلتا ہے۔انہو ں نے کہا کہ حکومت کو تاجروں کے مسائل کا مکمل ادراک ہے اور اس کے حل کے لیے تمام ضروری وسائل فراہم کیے جائیں گے تاکہ فیکٹریوں کی چمنیوں سے دھواں نکلتا رہے اور غریب آدمی کی زندگی رواں دواں رہے۔گورنر پنجاب نے سرگودھا انڈسٹریل سٹیٹ کو تمام ضروری مراعات دینے کی یقین دہانی کرائی جبکہ سرگودھا چیمبر آف کامرس کی عمارت کے لیے جگہ کی فراہمی کے لیے مکمل تعاون کا یقین دلایا۔ انہو ں نے کہا کہ وہ تمام چیمبر ز کے عہدیداروں سے ذاتی طور پر ملاقات کرتے ہیں تاکہ ان کے مسائل کے حل کے لیے اپنا بھرپور کردار ادا کر سکیں۔وفد کے سربراہ نے گورنر پنجاب کوبتایا کہ حکومت کی طرف سے صنعتوں کو بلا تعطل بجلی کی فراہمی کے فیصلے کے بعد صنعتی سرگرمیوں میں اضافہ ہوا ہے اور روزگار کے ہزاروں نئے مواقع پیدا ہو رہے ہیں۔ انہو ں نے کہا کہ حکومت کی تاجر دوست پالیسیوں کے مثبت نتائج آنا شروع ہو گئے ہیں جس پر وہ حکومت کی پوری معاشی ٹیم کے مشکور ہیں۔متعلقہ عنوان :
مزید اہم خبریں
-
آئین کے تحت سینیٹ کا رکن وزیراعظم نہیں بن سکتا تو ایک سینیٹر ڈپٹی وزیر اعظم کیسے بن سکتا ہے؟.ماہرین آئینی امور کاسوال
-
بشام میں چینی انجینئرز پر حملے میں ملوث 4 دہشت گرد گرفتار
-
فواد چوہدری نے بنیادی اصلاحات پر تمام سیاسی جماعتوں سے متفق ہونے کی اپیل کردی
-
یورپی یونین میں مزید چارجنگ اسٹیشن لگائے جائیں، کار ساز ادارے
-
پی ٹی آئی کے یوم تاسیس پر ریلی: گوہر خان، عمر ایوب و دیگر کی عبوری ضمانتیں منظور
-
وزیراعظم کی سعودی ولی عہد محمد بن سلمان کے گالا ڈنر میں شرکت، اہم امور پر تبادلہ خیال
-
وزیراعظم کی بل گیٹس سے ملاقات، گیٹس فائونڈیشن کیساتھ مضبوط شراکت داری کو یقینی بنانے کے لیے مل کر کام جاری رکھنے کے عزم کا اعادہ
-
نائب وزیراعظم اور وزیر خارجہ محمد اسحاق ڈار کی ملائیشیا کے وزیر خارجہ سے ملاقات،تجارت اور اقتصادی امور کے فروغ پر اتفاق
-
تحریک انصاف یوم تاسیس ریلی کیس: عمرایوب ‘گوہر خان، عامر ڈوگر کی عبوری ضمانتیں منظور
-
کراچی کے بجلی صارفین پر یکمشت اربوں روپے کا بوجھ ڈالنے کی تیاری
-
آئی ایم ایف کے ایگزیکٹو بورڈ کا اجلاس ‘آج پاکستان کو ایک ارب 10 کروڑ ڈالر کی آخری قسط جاری کرنے کی منظوری دیئے جانے کا امکان
-
اسحاق ڈار کی بطور نائب وزیراعظم تقرری غیرآئینی ہے؟آئین میں نائب وزیراعظم کا کوئی عہدہ نہیں.آئینی ماہرین
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.