افغانستان ٬ فوجی وردی میں ملبوس مسلح افرادکاکابل میں سب سے بڑے کرتائے سخی مزارپر حملہ 14افراد ہلاک ٬ 30زخمی

کئی زائرین کو یرغمال بنا لیا ٬ ہلاکتوں میں اضافے کا خدشہ ٬ جوابی کارروائی میں ایک حملہ آور کی ہلاکت کی اطلاع افغان سیکیورٹی فورسز نے طالبان سے قندوز کا قبضہ واپس لے لیا ٬ کابل میں چیک پوسٹ پر حملے میں 4افراد ہلاک 22زخمی

منگل 11 اکتوبر 2016 23:35

افغانستان ٬ فوجی وردی میں ملبوس مسلح افرادکاکابل میں سب سے بڑے کرتائے ..

کابل(اُردو پوائنٹ اخبارتازہ ترین - آئی این پی۔ 11 اکتوبر2016ء) افغانستان کے دارالحکومت کابل میںفوجی وردی میں ملبوس مسلح افراد او ر خودکش حملہ آوروں نے کابل میں سب سے بڑے کرتائے سخی مزارپر حملہ کر کے کئی زائرین کو یرغمال بنا لیا جبکہ اس میں 14افراد ہلاک اور 30زخمی ہوگئے ٬ نعشوں اور زخمیوں کو فوری طور پر قریبی ہسپتال منتقل کر دیا گیا٬ ہلاکتوں میں اضافے کا خدشہ ظاہر کیاگیا ہے ۔

منگل کو غیر ملکی خبررساں ادارے اور افغان وزارت داخلہ کے ترجمان صادق صدیقی نے بتایا کہ فوجی وردی میں ملبوس تین مسلح افراد اور خودکش حملہ آوروں نے اہل تشیع کے کرتائے سخی مزار پر حملہ کر دیا جہاں عاشورہ محرم کے موقع پر بڑی تعداد میں زائرین اکٹھے تھے ۔ اس دوران پولیس کی فائرنگ سے ایک حملہ آور ہلاک ہو گیا۔

(جاری ہے)

میڈیارپورٹس کے مطابق واقعہ میں14افراد ہلاک اور 30زخمی ہوگئے جبکہ وزارت صحت کے ترجمان اسماعیل خواصی نے 18زخمیوں کو ہسپتال لائے جانے کی تصدیق کی ۔

ذرائع کے مطابق کافی دیر تک مزار میں فائرنگ اور دھماکوں کی آوازیں سنائی دیتی رہیں۔ہلاکتوں میں اضافے کا خدشہ ظاہر کیاگیا ہے۔ادھر سیکیورٹی فورسز کے مطابق طالبان سے قندوزشہر کا قبضہ واپس لے لیا گیا ہے ۔ قبل ازیں کابل میں چیک پوسٹ پر حملے میں 3طالبان سمیت 4افراد ہلاک اور 22 زخمی ہو گئے ۔