بھارت میں مون سون کی بارشوں سے سیلاب، ہلاکتیں 100ہوگئیں

ہزاروں لوگ سیلاب سے متاثرہ علاقوں سے محفوظ مقامات پر منتقل،آسام ریاست میں ایمرجنسی نافذ

منگل 18 جولائی 2017 13:00

بھارت میں مون سون کی بارشوں سے سیلاب، ہلاکتیں 100ہوگئیں

نئی دہلی(اُردو پوائنٹ اخبارتازہ ترین - این این آئی۔ 18 جولائی2017ء) بھارت کے مختلف علاقوں میں مون سون کی بارشوں سے آنے والے سیلابوں کی زد میں آ کر ہلاک ہونے والوں کی تعداد 100پہنچ گئی ہے۔ بھارتی میڈیا کے مطابق بھارتی ریاست گجرات میں ہونے والی موسلا دھار بارش کی لپیٹ میں آ کر گیارہ انسانی جانیں ضائع ہوئی تھیں۔

(جاری ہے)

بھارت کی شمال مشرقی ریاستیں اروناچل پردیش اور آسام خاص طور پر سیلاب سے شدید متاثر ہیں۔ صرف آسام میں ہونے والے ہلاکتوں کی تعداد ساٹھ ہو چکی ہے اور ریاستی حکومت نے پوری ریاست میں ایمرجنسی کا نفاذ کر دیا ہے۔ ہزاروں لوگوں کو سیلاب سے متاثرہ علاقوں سے محفوظ مقامات پر منتقل کیا جا چکا ہے۔ بھارت کے پانچ بڑے دریاؤں میں پانی کی سطح خطرناک حد تک بلند ہے۔