ہیلتھ ڈائریکٹوریٹ فاٹاکے زیراہتمام موبائل ہسپتال پروگرام کے تحت خیبرایجنسی کے مختلف علاقوں میں تین روزہ کیمپ کاانعقاد

پشاور۔ (اُردو پوائنٹ اخبارتازہ ترین - اے پی پی۔ 09 فروری2018ء) موبائل ہسپتال پروگرام فاٹا جو ہیلتھ ڈائریکٹوریٹ فاٹا کی سرپرستی میں کام کررہی ہے۔ فاٹا کے مختلف علاقوں میں جہاں پر صحت کی سہولت میسر نہیں ہے۔ لوگوں کو طبعی سہولیات کی بروقت فراہمی کیلئے کوشاں ہے۔ اس سلسلے میں خیبر ایجنسی جمرود باڑہ ایجنسی سرجن ڈاکٹر ایوب آفریدی کے زیر نگرانی میں خیبر ایجنسی کے دور دراز علاقوں، تودہ چینہ،اپر باڑہ قوم اکاخیل، بوکاڑ تیراہ ، ضیاء الدین کلے مستک تیرا خیبر ایجنسی میں مختلف بیماریوں کی روک تھام کیلئے فری میڈیکل کیمپ کا انعقاد کیا گیا۔

جس میں ماہر ڈاکٹرز، پیرا میڈیکس سٹاف اور سپورٹنگ سٹاف کے زیر نگرانی ان علاقوں کے غریب لوگوں کو مفت طبعی سہولتیں فراہم کی گئی۔

(جاری ہے)

یہ کیمپ مسلسل تین روز تک جاری رہا جس میں2265مریضوں کو مفت طبعی سہولیات فراہم کی گئی۔ فری میڈیکل کیمپ 700میل ،665 فی میل مریضوں اور900بچوں کا فری معائنہ کیا گیا۔ تودہ زینہ میں ایک روزہ کیمپ کے دوران 1355مریضوں کا معائنہ کیا گیا جس میں میل 360فی میل 580اور 415بچوں کا فری معائنہ کیا گیا۔

ان کمپین کا مقصد قبائلی علاقوں میں بیماریوں سے بچائوکی بارے میں شعورپیدا کرنے اور ساتھ میں علاقے کے لوگوں کو ان کے دروازے پر مفت طبعی سہولت کی فراہمی کو یقینی بنانا تھا۔ علاقے کے لوگوں نے ڈائریکٹر ہیلتھ کا شکریہ ادا کرتے ہوئے کہا کہ ڈائریکٹر ہیلتھ ہمارے علاقے میں ہر مہینے فری میڈیکل کیمپ کا انعقاد کرواتے ہیں جس سے ہزاروں کے تعداد میں علاقے لوگ مریض مستفید ہورے ہیں۔