ڈپٹی ڈسٹرکٹ ہیلتھ آفیسرکا عطائیوں کے خلاف کریک ڈائون ،3 کلینک سیل

پیر 16 اپریل 2018 22:38

مظفرگڑھ۔ 16اپریل(اُردو پوائنٹ اخبارتازہ ترین - اے پی پی۔ 16 اپریل2018ء) چیف جسٹس آف پاکستان کے احکامات پر ضلعی انتظامیہ مظفرگڑھ نے عمل درآمد شروع کردیا۔ ڈپٹی ڈسٹرکٹ ہیلتھ آفیسر علی پور ڈاکٹر پنجتن کا عطائیوں کیخلاف کریک ڈاؤن کے نتیجہ میں 3 اتائیوں کے کلینک سمیت ایک ڈینٹل کلینک سیل ایف‘ آئی‘ آر درج۔

(جاری ہے)

تفصیل کیمطابق چیف جسٹس آف پاکستان نے ایک ہفتے کے اندر پنجاب بھر سے عطائیوں کے کلینکس کے خلاف کارروائی کرکے سیل کرنے کے احکامات دیئے تھے جس کے تحت گزشتہ روز ڈپٹی کمشنر مظفرگڑھ سیف انور جپہ کی ہدایت پر ڈپٹی ڈسٹرکٹ ہیلتھ آفسیر علی پور ڈاکٹر پنجتن نے عطائیوںکیخلاف کارروائی کی جسکے نتیجہ میں انہوں نے پنجاب ہیلتھ کئیر کمیشن کے مرتکب تین عطائی جن میں خان کلینک،اصغر کلینک علی پور، امجد کلینک سیت پور اور مدینہ ڈینٹل لیبارٹری کو سیل کرکے موقع پر موجود ادویات بھی قبضہ میں لیکر معائنہ کے لئے لیبارٹری ارسال کردی ہیں۔

اس موقع پر ڈپٹی ڈسٹرکٹ ہیلتھ آفیسر کا کہنا تھا کہ حکومت پنجاب کی ہدایت کیمطابق ضلع بھر میں عوام الناس کو صحت کی بہترین سہولیات فراہم کرنے اور اتائیت کے خاتمہ کیلئے جاری ٹاسک کی نگرانی ڈپٹی کمشنر سیف انور جپہ خود کررہے ہیں۔