کٹھوعہ میں بچی کی بے حرمتی اور قتل کے خلاف احتجاجی مظاہرے جا ری
کارگل میں آصفہ کی بے حرمتی اور قتل کے خلاف ہزاروں افراد کی احتجاجی ریلی
منگل 17 اپریل 2018 16:40
(جاری ہے)
وادی چناب میں گورنمنٹ ڈگری کالج ڈوڈہ اور بھدروہ کے علاوہ وادی کشمیر کے مختلف کالجو ں کے طلباء سمیت مختلف تعلیمی اداروں کے سینکڑوںطلباء نے ننھی بچی کی عصمت دری اور قتل میں ملوث مجرموں کے خلاف سخت کارروائی کیلئے احتجاجی مظاہرے کئے ۔
طلباء نے پلے کارڈز اٹھا رکھے تھے جن پر آصفہ کو انصاف کی فراہمی کے حق میں مطالبات درج تھے ۔ آل لداخ اسٹوڈنٹس ایسوسی ایشن کشمیر کے زیر اہتمام بھی طلباء و طالبات ریذ یڈنسی روڑسرینگر پر احتجاجی مظاہر ہ کیا اور پریس کالونی میں دھرنادیکر شمعیں روشن کیں۔ایک طالبہ نے اس موقع پر کہاکہ مندر جیسی مقدس مقامات پر بھی اب خواتین محفوظ نہیں ہیں۔ کشمیر یونیورسٹی ، کشمیر یونیورسٹی آف ایگریکلچر سائنسز اینڈ ٹیکنالوجی ، سینٹرل یونیورسٹی کے نوگام کیمپس ،سی ڈی ہسپتال، فیکلٹی آف ویٹنری سائنسز اینڈ اینیمل ہسبنڈری اور لاکالج سرینگر میں بھی احتجاجی مظاہرے کئے گئے ۔ گورنمنٹ بوائز ڈگری کالج اسلام آباد ، ہائیر سکینڈر ی سکول پلہالن ، ڈانگر پورہ ہائیرسکینڈری سکول سوپوراور گورنمنٹ بوائز ڈگری کالج بیروہ بڈگام میں بھی طلباء نے زبردست احتجاجی مظاہرے کئے ۔پریس انکلیو میں لالچوک کے تاجروں نے احتجاج کرتے ہوئے مجرموں کو سخت سزائیں دینے کا مطالبہ کیا۔ تاجروں نے تاریخی گھنٹہ گھر سے پریس کالونی تک مارچ کیا۔ سرینگر میں کشمیر بار ایسو سی ایشن کی طرف سے معصوم بچی کے ساتھ اظہار یکجہتی کیلئے مارچ کیا گیا۔ وکلاء نے مجرموں کوبچانے میں جموں بار ایسو سی ایشن کی مذمت کی۔ اس موقعہ پر ایڈوکیٹ میاں عبدالقیوم نے کھٹوعہ عصمت دری اور قتل کیس میں مجرموں کو سزائے موت دینے کا مطالبہ کرتے ہوئے کہا کہ کھٹوعہ میں کیس کی سماعت کیلئے ماحول سازگار نہیں ہے اور اس مقدمے کو ہائی کورٹ جموں بینچ میں منتقل کیاجائے ۔بار ایسوسی ایشن اسلام آباد اور بار ایسوسی ایشن گاندربل نے بھی اس گھنائونے جرم کے خلاف مظاہرے کئے ۔ وکلا ء نے اپنے ساتھی وکیل طالب حسین پر حملے کی شدید مذمت کی ۔طالب ہی نے سب سے پہلے متاثرہ بچی کے حق میں مہم چلائی تھی۔ انہوںنے متاثرہ بچی کے وکلاء کے ساتھ ہرقسم کے تعاون کا یقین دلایا۔ ٹریڈرز ایسو سی ایشن سے وابستہ تاجروں نے بھی سرینگر میں احتجاجی مظاہر ہ کیا۔ پریس کالونی میں صحافیوں نے بھی متاثرہ بچی کے ساتھ یکجہتی کیلئے دھرنا دیااورشمعیںروشن کیں۔متعلقہ عنوان :
مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.