میرپور کو ماڈل سٹی بنانے کیلئے ہر ممکن کوشش جاری ہیں ‘ہال روڈ سمیت میرپور سے وابستہ تمام مین شاہروں کو جلد مکمل کیا جائیگا

میرپور(اُردو پوائنٹ اخبارتازہ ترین۔ 17 اپریل2018ء) وزیر حکومت چوہدری محمد سعید نے کہا ہے میرپور کو ماڈل سٹی بنانے کے لیے ہر ممکن کوشش جاری ہیں ۔ہال روڈ سمیت میرپور شہر سے وابسطہ تمام مین شاہروں کو جلد مکمل کیا جائے گا ۔چتر پڑی وائی کراس سے چونگی نمبر چار میرپور سے چیچیاں روڈ ،ہال روڈ اور دیگر تمام بڑی سڑکوں پر کام جلد شروع کر دیں گے ۔عوام نے 21جولائی کو اپنا فرض پورا کر دیا ہے اب ہماری ذمہ داری ہے کہ عوام کے مسائل اُن کی دیلز پر حل کریں ۔

سوئی گیس ،صاف پانی کی دستیابی ،تعلیمی معیار کو بہتر بنانا ۔ہماری اولین ذمہ داری ہے ۔آج میرپور میں تعمیر وترقی نظر آرہی ہے ۔بیس سالوں میں جو کام میرپور کی عوام کے لیے نہیں ہوئے وہ صرف ڈیڈھ سال کے قلیل عرصہ میں ہو رہے ہیں ۔

(جاری ہے)

عوام کو کبھی مایوس نہیں کریں گے ۔مسلم لیگ ن کی حکومت مضبوط ہاتھوں میں ہے ۔وزیر اعظم آزاد کشمیر راجہ فاروق حیدر خان عوامی مسائل کے حل کے لیے کوشاں ہے حکومت اپنی مدت پوری کرے گی اور آئندہ مسلم لیگ ن اپنی شاندار کارگردگی کی بنا کر عوامی عدالت میں سرخرو ہو گی ۔

ان خیالات کا اظہار انہوں نے قائد اعظم سٹیڈیم مارکیٹ میں کاروباری مرکز میرپور الیکڑونکس کی افتتاحی تقریب میں بطور مہمان خصوصی تاجروں اور شہریوں سے گفتگو کرتے ہوئے کیا ۔چوہدری محمدسعید نے کہا کہ میرپور بڑا تجارتی مرکز ہے ۔تاجروں کے بنیادی مسائل حل کرنے کے لیے حکومت اہم اقدامات اٹھا رہی ہے ۔5سالوں میں عوام کے مسائل حل کر کے دوبارہ عوامی عدالت میں جائیں گے ۔

قبل ازیں وزیر حکومت چوہدری محمدسعید جب قائد اعظم سٹیڈیم مارکیٹ پہنچے تو میزبان فصیل شہزاد ،محمد فاروق چوہان،چوہدری محمد نعیم ،حاجی منیر حسین ،حاجی ارشد سیٹھی ،چوہدری شوکت ،تنویر احمد غازی ،راجہ اسحاق زرگر ،ظہیر صابر مغل ،چوہدری فاروق ،چوہدری کامران ،چوہدری سجاد آف یو کے ،ملک ریاض ،شہزاد احمد بھٹی ،سلیم ملک ،ذولقرنین بٹ ،ضیاء رشید کے علاوہ سیکڑوں تاجروں اور شہریوں نے اُن کا بھرپور استقبال کیا ۔چوہدری محمد سعید نے کاروباری مرکز کا افتتاح کیا اور خصوصی دعا بھی فرمائی ۔