تعلیم کے بغیر کوئی معاشرہ ترقی نہیں کرسکتا‘ڈاکٹر دائود بخاری

بدھ اپریل 12:15

پشاور۔ (اُردو پوائنٹ اخبارتازہ ترین۔ 18 اپریل2018ء) ہیپی ڈے سکول سسٹم میں سالانہ تقسیم انعامات کا اہتما کیا گیا۔ تقریب کا باقاعدہ آغاز تلاوت کلام پاک سے ہوا۔تقریب میں سکول کے ڈائریکٹر ڈا کٹر داؤد بخاری کو مدعو کیا گیا تھا مہمان خصوصی نے اپنے خطاب میں کہا کہ تعلیم کے بغیر کوئی معاشرہ ترقی نہیں کرسکتا اساتذہ تمام صلاحتیںبروئے کار لاکر ایسی نسل تیار کریں جو ملک و قوم کی خدمت کرسکے ہم بچوں کے ہاتھوں میں قلم کتاب دینا چاہتے ہیں تاکہ وہ معاشرے کا ایک بہتر فرد بن کر ملک و قوم کی خدمت کرسکے اور بڑوں کا ادب کریں۔

پرنسپل میمونہ رؤف نے اپنے خطاب میں اساتذہ پر زور دیا کہ وہ اپنے تمام تر صلاحیتیں نئی نسل کے تربیت پر خرچ کریں تاکہ ایسی نسل تیار ہوسکے کہ اس ملک کو ترقی کی راہ پر گامزن کریں۔

(جاری ہے)

مقامی سکول میں منعقدہ تقریب کے دوران سکول ڈائریکٹر ڈاکٹر سید دائود بخاری اور پرنسپل میمونہ رؤف نے بچوں اور اساتذہ کی محنت کو خوب سراہا۔ اس موقع پر خطاب کرتے ہوئے سکول کی پرنسپل میمونہ رؤف نے شرکاء سے خطاب کرتے ہوئے کہاکہ طلباء و طالبات کو تعلیمی سرگرمیوں کے ساتھ ساتھ غیر نصابی سرگرمیوں میں بھی بھرپور حصہ لینا چاہئے جس سے ان کی صلاحیتوں میں مزید نکھار آئے گا ۔

انہوں نے کہاکہ تعلیم کے بغیر کوئی بھی قوم ترقی سے ہمکنار نہیں ہو سکتی اور طلباء و طالبات کو چاہئے کہ تعلیم پر خصوصی توجہ دیں کیونکہ تعلیم کے حصول سے ہی معاشرے میں ترقی اور بہتری لائی جا سکتی ہے ۔

متعلقہ عنوان :