لاہور، پنجاب کے تمام تعلیمی بورڈ کا فرسٹ ائیرکے نتائج کا اعلان

بدھ 15 اکتوبر 2025 15:47

لاہور(اُردو پوائنٹ اخبارتازہ ترین - این این آئی۔ 15 اکتوبر2025ء) پنجاب کے تمام تعلیمی بورڈ نے فرسٹ ائیر کے نتائج کا اعلان کردیا۔پنجاب بھر کے تمام بورڈز آف انٹرمیڈیٹ اینڈ سیکنڈری ایجوکیشن نیفرسٹ ایئر (گیارہویں جماعت) کے سال 2025 کے سالانہ امتحانات کے نتائج جاری کردئیے گئے ہیں۔لاہور بورڈ کے جاری نتائج کے مطابق کامیابی کا تناسب 53 اعشاریہ 77 فیصد رہا،92 ہزار541 طلبا نے کامیابی حاصل کی،امتحانات میں ایک لاکھ 72 ہزار 100امیدواروں نے شرکت کی۔

فیصل آباد تعلیمی بورڈ کی جانب سیانٹرمیڈیٹ نتائج پارٹ ون کے نتائج کا اعلان کر دیا گیا،امتحانات میں چوالیس فیصد امیدوار فیل ہوگئے۔سیکرٹری ایجوکیشن کیمطابق انٹرمیڈیٹ پارٹ ون میں کامیابی کا تناسب55.74فیصد رہا،امتحان میں کل1081182اُمیدواروں نے شرکت کی، 60320 امیدوار پاس ہوئے۔

(جاری ہے)

نتائج چیک کرنے کے تین طریقے جاری کر دیا گیا ہے جس کے مطابق متعلقہ بورڈزکی آفیشل ویبٹ سائٹس کے ذریعے طلبہ دس بجے کے بعد اپنے نتائج دیکھ سکیں گے،اگر ویب سائٹس مصروف ہوں یا کھل نہ رہی ہوں تو طلبہ اپنا رول نمبر درج کر کے نیچے دیے گئے مخصوص نمبر پر ایس ایم ایس کے ذریعے بھی نتیجہ معلوم کر سکتے ہیں.لاہور کے لئے 800291، ملتان کے لئے 800293، فیصل آباد کے لئے 800240، سرگودھا بورڈ کے لئے 800290، گوجرانوالہ کے لئے 800299، پر ایس ایم ایس کریں۔