جنوبی اور شمالی کوریا70 سال بعد جنگ کے باقاعدہ خاتمے پر رضامند

کوریائی حکومتوں نے 1950ء سے شروع ہونے والی خونی جنگ ہمیشہ کے لیے ختم کرنے کا فیصلہ کرلیا،رپورٹ

بدھ اپریل 13:57

سیول(اُردو پوائنٹ اخبارتازہ ترین۔ 18 اپریل2018ء) روایتی حریف جنوبی کوریا اور شمالی کوریا قریباً 70 سال بعد جنگ کے باقاعدہ خاتمے پر رضامند ہوگئے۔بین الاقوامی میڈیا رپورٹس کے مطابق جنوبی اور شمالی کوریائی حکومتوں نے 1950ء سے شروع ہونے والی خونی جنگ کو بالاآخر ہمیشہ ہمیشہ کے لیے ختم کرنے کا فیصلہ کرلیا۔

(جاری ہے)

68 سالہ جنگ کے باقاعدہ خاتمے کے لیے جنوبی کوریا کے صدر مون جیان اور شمالی کوریا کے سربراہ کم جان ان آئندہ ہفتے ملاقات میں باضابطہ اعلان کریں گے۔

اگرچہ 1950ء سے 1953ء کے درمیان ہونے والے کوریائی تنازع پر عارضی جنگ بندی ہے تاہم ان کے دونوں ممالک کے درمیان کوئی امن معاہدہ نہیں ہے۔سخت گیر حریفوں کے درمیان برف ایسے وقت میں پگھلی جب امریکا اور شمالی کوریا کے درمیان سخت کشیدگی پائی جاتی ہے جب کہ جوہری ٹیکنالوجی کو وسیع کرنے پر شمالی کوریا کو اقوام متحدہ کی جانب سے کئی پابندیوں کا سامنا کرنا پڑرہا ہے۔