سعودی عرب میں سیاحتی شعبے کی لوکلائزیشن کے لیے نئی پالیسی کا اعلان

جمعرات 16 اکتوبر 2025 15:48

ریاض(اُردو پوائنٹ اخبارتازہ ترین - این این آئی۔ 16 اکتوبر2025ء) سعودی عرب نے مملکت میں سیاحت کے شعبے کو مقامی بنانے کے لیے نئی پالیسیوں کو متعارف کرایا ہے۔سیاحت کے وزیر احمد الخطیب نے ملازمین کی رجسٹریشن اور سعودائزیشن کے حوالے سے نئی پالیسیوں کی منظوری دی۔

(جاری ہے)

وزارت کی جانب سے جاری نئے ضوابط میں کہا گیا سیاحت اور میزبانی کی تمام سہولتوں پر لازم کر دیا گیا ہے کہ کام کے اوقات میں ان جگہوں پر کوئی نہ کوئی سعودی شہری ریسیپشن پر موجود ہو۔

سیاحت کی سہولتیں فراہم کرنے والوں کو کام کے آغاز سے پہلے تمام ملازمین کو ہیومن ریسورس اور سماجی ترقی کی وزارت کے ساتھ رجسٹر کرانا ہوگا۔ملازمین کے معاہدے جن میں عارضی یا جز وقتی معاہدے شامل ہیں، آئندہ سے اجیر یا دوسرے منظور شدہ پلیٹ فارمز کے ذریعے دستاویزی شکل میں لانا لازمی ہو گا۔