ٹنڈوالہ یار کے ایم پی اے سید ضیاء عباس شاہ رضوی کا حلقہ انتخاب کا دورہ ،عوام کے مسائل سنے

بدھ 18 اپریل 2018 19:27

ٹنڈوالہ یار (اُردو پوائنٹ اخبارتازہ ترین - این این آئی۔ 18 اپریل2018ء) ٹنڈوالہ یار کے ایم پی اے سید ضیاء عباس شاہ رضوی نے حلقہ پی ایس 60 کے مختلف علاقوں میں مکمل شدہ اور جاری ترقیاتی کاموں کا جائزہ لینے اور عوامی مسائل سننے کے لیے دوسرے روز بھی مختلف یونین کونسل اور میونسپل کمیٹی کے وارڈوں کا دوروں کا سلسلہ جاری رکھا ۔

(جاری ہے)

ایم پی اے سید ضیاء عباس شاہ رضوی کے یوسی ھنگورائی کے گائوں پناہ شاہ میں ہاشم شاہ ، حبدار شاہ ، والہانہ استقبال کیا جبکہ پیر کی ماری میں پیر جانا شاہ ، پیر کاشف شاہ ، پیر غلام عباس شاہ نے پھولوں کی پتیاں نچھاور کی اور پھولوں کے ہار پہنائے ، جبکہ گوٹھ مٹھو میرجت میںمحمد صالح میرجت ، خمیسو میرجت ودیگر نے ایم پی سید ضیا عباس شاہ ررضوی کا والہانہ استقبال کیا مذکورہ ریلی میونسپل کمیٹی کے وارڈ نمبر 17میں پہنچی تو عبداللطیف بلوچ ، رئوف بلوچ ، جلیل بلوچ ، جبکہ وارڈ نمبر 4میں شہزاد بلوچ ، آصف بلوچ ودیگر کارکنان و زمینداران نے والہانہ استقبال کیا اور پھولوں کے ہار پتیاں نچھاور کی کارکنان نے ڈھول کی تھاپ پر رقص کیا رکن سندھ اسمبلی مختلف مقاما ت پر کارنر میٹنگ میں عوام سے عوامی مسائل سنے اورا نہیں جلد حل کرانے کی یقین دہانی کرائی اس موقع پر مختلف مقامات پرکارکنان و ہمدردوں کی جانب سے یم پی اے سید ضیاء عباس شاھ رضوی کو سندھ کا روایتی تحفہ اجرک پہنائی، اور ان کا والہانہ استقبال کیا گیا پی ایس 60کے مختلف علاقوں کے دورے کے دوران ایم پی اے سید ضیاء عباس شاھ رضوی نے میڈیا اور علاقہ مکینوں سے بات چیت میں کہا کہ حلقہ پی ایس 60 کے مختلف علاقوں میں بے انتہا ترقیاتی کام کئے گئے ہیں اور آج کے اس دورے کا مقصد عوام کے مسائیل سننا ہے اور عوامی مسائیل کو ترجیحی بنیادوں پر حل کرنا ہے ہم نے کبھی بھی غریب عوام کو اکیلا نہیں چھوڑا، مخالفین کتنی بھی کوششیں کرلیں آنے والی2018کے الیکشن میں سندھ بھر سے صرف پاکستان پیپلز پارٹی کے امیدوار ہی کامیاب ہونگے اور ہمیشہ کی طرح اس مرتبہ بھی سندھ کا وزیر اعلیٰ پیپلز پارٹی کا ہی ہوگا انہوں نے کہا کہ پیپلزپارٹی کے دورے اقتدار کے دوران پیپلز پارٹی نے سیکڑوں بیروزگاروں کو روزگار فراہم کئے اور ترقیاتی کاموں کے جال بچھائے گئے اور عوام کے مسائل ان کی دیلیز پر جاکر حل کئے انہوں نے کہا کہ آنے والے الیکشن میں پیپلز پارٹی کے امیدواروں کی کامیابی عوام کی کامیابی ہوگی اور ہم کامیاب ہوکر عوام کے درمیان ان کے خادم بن کر آئینگے اور ان کی خدمت کریں گے ایم پی اے سید ضیا عباس شاہ رضیو کے دورے کے دوران ایم سی چیئرمین سید امداد شاھ رضوی، کوآرڈینیٹر زوار پرویز سموں، وائیس چیئرمین شاہد جعفر قائم خانی، ضلع کونسل میمبر آفتاب جونیجو، ٹائون کمیٹی پیارولونڈ کے وائیس چیئرمین جاوید جمن لونڈ اور دیگر پی پی رہنماء اور منتخب بلدیاتی نمائندگان پی پی عہدیداران کارکنان کی بڑی تعداد موجود تھی ۔