جاوید نسیم کا عمران خان کے خلاف ہتک عزت کا دعوی دائر کرنے کا اعلان

�ل قبل تحریک انصاف چھوڑ چکا ہوں، عمران ٖخان کو جواب دینے کا پابند نہیں،چیرمین پی ٹی آئی کی پریس کانفرنس پر ردعمل عمران خان پرویز خٹک کی وجہ سے الزام لگا رہے ہیں، فیصلے کیخلاف عدالت جائیں گے،،پی ٹی آئی کے ساتھ ہوں،شوز کاز نوٹس کا جواب دوں گی ، فوزیہ بی بی کا ردعمل

بدھ 18 اپریل 2018 21:35

جاوید نسیم کا عمران خان کے خلاف ہتک عزت کا دعوی دائر کرنے کا اعلان

اسلام آباد(اُردو پوائنٹ اخبارتازہ ترین۔ 18 اپریل2018ء) خیبر پختو نخوا اسمبلی کے رکن جاوید نسیم نے چیرمین پی ٹی آئی عمران خان کے خلاف ہتک عزت کا دعوی دائر کرنے کا اعلان کرتے ہوئے کیا ہے کہ 3 سال قبل تحریک انصاف چھوڑ چکا ہوں عمران ٖخان کو جواب دینے کا پابند نہیں جبکہ پی ٹی آئی کی رکن اسمبلی فوزیہ بی بی نے کہا ہے کہ عمران خان پرویز خٹک کی وجہ سے الزام لگا رہے ہیں، عمران خان کے فیصلے کیخلاف عدالت جائیں گے،،پی ٹی آئی کے ساتھ ہوں،شوز کاز نوٹس کا جواب دوں گی ۔

تفصیلات کے مطابق چیرمین تحریک انصاف عمران خان کی پریس کانفرنس کے بعد اپنے ایک بیان میں جاوید نسیم نے کہا ہے کہ وہ 3 سال قبل تحریک انصاف چھوڑ چکے ہیں جھوٹ بولنا عمران خان کی عادت ہے وہ عمران خان کو جواب دینے کے پابند نہیں ہیں عمران خان کے الزام پر وہ ان کے خلاف ۔

(جاری ہے)

۔ عزت کا دعوی دائر کریں گے دوسری جانب تحریک انصاف کی رکن اسمبلی فوزیہ بی بی نے نجی ٹی وی سے گفتگو کرتے ہوئے کہاکہ جب کسی ممبر پرالزام لگایا جاتا ہے تو اس کی انکوائری کی جانی چاہیے۔

ہم چاہتے ہیں سینیٹ میں جوڈراما ہوا ہے اس کوکھل کرقوم کے سامنے آنا چاہیے۔انہوں نے کہاکہ ہم عدالت کا دروازہ کھٹکھٹائیں گے۔ ہم پارٹی کے ساتھ ہیں۔ہم نے ہمیشہ کرپشن کیخلاف عمران خان کا ساتھ دیا۔ ہم چاہتے ہیں ملک سے کرپشن کا خاتمہ ہو۔۔۔عمران خان کے الزامات بے بنیاد ہیں۔ عمران خان کوشوز کاز نوٹس کا جواب دیں گے۔۔۔عمران خان کیخلاف عدالت میں جائیں گے۔

انہوں نے کہا کہ پرویز خٹک کوپتا ہی نہیں ہے ،کس نے کس کوووٹ دیا۔اس میں وزیراعلیٰ خیبرپختونخواہ ملوث ہیں۔ عمران خان پرویز خٹک کے باعث الزامات لگا رہے ہیں۔ واضح رہے چیئرمین پی ٹی آئی عمران خان نے سینیٹ الیکشن میں بکنے والے 20 ارکان اسمبلی کو پارٹی سے نکالتے ہوئے شوکاز نوٹسز جاری کردیے ہیں۔ کرپشن الزامات پرجن20 ارکان کو شوکاز نوٹس جاری کیے گئے ان میں رکن اسمبلی فوزیہ بی بی بھی شامل ہیں۔